Ikipe ya Police FC ikomeje kwitwara nabi mu mikino ya shampiyona kuko yongeye gutsindwa ibitego 2-0 na Mukura,mumukino wabereye kuri stade ya Huye.

Sponsored Ad

Muri uyu mukino,umukinnyi Bigirimana Abedi iyi Police igenderaho yagize imvune ikomeye, hategerejwe ko abaganga batangaza igihe azamara adakina.

Ibitego bya mukuru byose byatsinzwe mu gice cya mbere na Christian Nisingizwe ku munota wa 18 na Zubel Hakizimana kuwa 45.

Mu mikino yo kwishyura ya shampiyona, Police FC ifite inota rimwe gusa kuri 12 ndetse ubu yakabaye iri mu zimanuka iyo iba itariteganyirije mu mikino ibanza.

Ikipe y’i Huye yafashe umwanya wa kane n’amanota 33, irusha rimwe iy’abashinzwe umutekano.

Ku Cyumweru, Police FC izasura Rayon Sports.

Urutonde nyuma y’imikino 19:

1. APR FC 42 Pts (-1)
2. Rayon Sports 36 Pts
3. Musanze FC 34 Pts
4. Mukura VS 33 Pts
5. Police FC 32 Pts