addresiya
Kigali
startimes

Police FC yananiwe kwihimura kuri APR FC imaze igihe kinini iyizengereza muri shampiyona

Imyidagaduro   Yanditswe na: Dusingizimana Remy 30 October 2019 Yasuwe: 2639

Amakipe 2 y’abashinzwe umutekano mu Rwanda ariyo APR FC na Police FC yananiwe kwisobanura mu mukino w’umunsi wa 06 wa shampiyona,anganya igitego 1-1 mu mukino wari witezwe na benshi mu bakunzi ba ruhago mu Rwanda.



Muri uyu mukino watangiye saa 18h00 akazi ka Leta karangiye,APR FC na Police FC zinaniwe kwisobanura zigabana amanot 3 y’uyu munsi wa 06 mu mukino wabereye kuri stade ya Kigali I Nyamirambo.

Uyu mukino watangiye Police FC yotsa igitutu APR FC bituma iyi kipe y’ingabo z’igihugu ikora amakosa 4 mu minota 4 ibanza y’umukino.

Abakinnyi ba Police FC barimo Savio Nshuti naNdayishimiye Ndayishimiye Antoine Dominique bagiye bazonga cyane ubwugarizi bwa APR FC ariko Mutsinzi Ange uhagaze neza ababera ibamba.

Ku munota wa 31 w’umukino,Manzi Thierry yari atanze igitego ubwo yatakazaga umupira mu rubuga rw’amahina ariko Iyabivuze Osee ntiyabibyaza umusaruro.

Igice cya mbere cyarangiye Police FC ariyo iri hejuru cyane mu mukino ari yo mpamvu abatoza ba APR FC bagaragaye kenshi bashwana n’abakinnyi babo.

Mu gice cya kabiri amakipe yombi yaje yakaniye ariko amahirwe asekera Police FC bwa mbere ifungura amazamu ku munota wa 74 ku gitego cyatsinzwe na Ndayishimiye Antoine Dominique ku mupira mwiza wahinduwe na Mpozembizi Mohamed winjiye mu kibuga asimbuye Mucyo Aime Derrick.

Nyuma y’iminota 4 gusa APR FC yahise yishyura ku gitego cyatsinzwe na Mugunga Yves winjiye mu kibuga asimbuye Usengimana Danny, ku burangare bw’aba myugariro ba Police FC.

Umukino warangiye Police FC na APR FC zinganyije igitego 1-1 bituma Mukura VS ikomeza kuguma ku mwanya wa mbere n’amanota 14 inganya na APR FC iri ku mwanya wa kabiri, mu gihe Police FC yo igize amanota 12 ku mwanya wa gatatu. Mukura izigamye ibitego umunani mu gihe APR FC ifite ibitego birindwi.

APR FC izakira Mukura VS ku Cyumweru, mu gihe Police FC izagaruka mu kibuga ku wa Gatandatu, yakirwa na AS Kigali I Nyamirambo.

Mu yindi mikino yakinwe uyu munsi, Musanze yanganyije na Sunrise 1-1, As Muhanga inganya na As Kigali 0-0

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Abakinnyi 5 ba FC Barcelona basanganwe Coronavirus bigirwa ibanga...

Radio ikomeye yo mu mujyi wa Catalonia yitwa RAC1 yemeje ko abakinnyi 5...
2 June 2020 Yasuwe: 2300 0

Rayon Sports yaburiye Kiyovu Sports na Police FC ko zishobora guhomba...

Ikipe ya Rayon Sports yandikiye Kiyovu Sports na Police FC izimenyesha ko...
2 June 2020 Yasuwe: 4622 0

Ronaldo mukuru yatangaje abakinnyi 5 akunda kureba batarimo Cristiano...

Umunya Brazil w’umunyabigwi cyane,Luis Nazario de Lima uzwi nka Ronaldo...
2 June 2020 Yasuwe: 3421 0

Rutanga Eric ashobora kuva muri Police FC igitaraganya kubera indi kipe...

Myugariro Rutanga Eric ukina inyuma ku ruhande rw’ibumoso mu ikipe y’igihugu...
1 June 2020 Yasuwe: 7740 2

Munyakazi Sadate yahaye isezerano rikomeye abafana ba Rayon Sports...

Umuyobozi wa Rayon Sports, Munyakazi Sadate, yasezeranyije abafana b’iyi...
1 June 2020 Yasuwe: 5001 0

Bernardo Silva yaciye ibintu kubera ikizungerezi yabanaga nacyo muri Guma...

Ubwo ibihugu byinshi byafataga ingamba zo guhagarika ibikorwa byose mu...
31 May 2020 Yasuwe: 5878 1