Ikipe ya Police FC yaherukaga gutsinda APR FC muri 2012,yongeye kuyitsinda muri 2023 ibitego 2-1 ituma Kiyovu Sports ifata umwanya wa mbere wa Shampiyona by’agateganyo.
Muri uyu mukino w’Umunsi wa 24 wa Shampiyona,Police FC yaruhije APR FC ndetse iranayitsinda nubwo yangiwe igitego cyateje impaka cyane.
Amakipe yombi yatangiye umukino ari hejuru, buri imwe igerageza gusatira cyane byatumye APR FC ihita ihusha uburyo bubiri bwa Ruboneka na Mugisha.
Ku munota wa 8 w’umukino,Police FC (...)

Sponsored Ad

Ikipe ya Police FC yaherukaga gutsinda APR FC muri 2012,yongeye kuyitsinda muri 2023 ibitego 2-1 ituma Kiyovu Sports ifata umwanya wa mbere wa Shampiyona by’agateganyo.

Muri uyu mukino w’Umunsi wa 24 wa Shampiyona,Police FC yaruhije APR FC ndetse iranayitsinda nubwo yangiwe igitego cyateje impaka cyane.

Amakipe yombi yatangiye umukino ari hejuru, buri imwe igerageza gusatira cyane byatumye APR FC ihita ihusha uburyo bubiri bwa Ruboneka na Mugisha.

Ku munota wa 8 w’umukino,Police FC yahushije uburyo bwabazwe
ku mupira Nshuti Savio yahinduye, usanga Iyabivuze Osee awuteye ujya hejuru y’izamu.

Ku munota wa 15, APR FC yahushije uburyo bwiza
Ubwo Ishimwe Christian yateraga umupira usanga Mugisha Bonheur akinisha umutwe, ugonga umukinnyi wa Police FC uva mu izamu.

Ku munota wa 32,ikipe ya Police FC yatsindiwe igitego cya mbere na Mugisha Didier ku mupira yahawe acika abakinnyi b’inyuma ba APR FC bari barangaye, aroba umunyezamu Ishimwe Pierre wari usohotse.

Ku munota wa 38, Police FC yatsinze igitego cya kabiri,gitsinzwe na Nshuti Dominique Savio ku mupira wari umaze gutangwa nabi n’umunyezamu wa APR FC, Ishimwe Pierre.

Ku munota wa 42,Ishimwe Fiston yatsinze igitego cya APR FC ku mupira wakuwemo na Kwizera Janvier nyuma yo guterwa na Mugisha Bonheur, ugarukira uyu mukinnyi w’Ikipe y’Ingabo arawutsinda.

Igice cya mbere cyarangiye ari ibitego 2-1 bya Police FC.

Ku munota wa 50,Nshuti Savio yinjiranye umupira mu rubuga rw’amahina, atera ishoti rikomeye rishyirwa muri koruneri na Ishimwe Pierre.

Ku munota wa 78,Iyabivuze Osee yacomekewe umupira, abakinnyi ba APR FC bibwira ko yaraririye, aragenda aroba umunyezamu Ishimwe Pierre ariko abasifuzi bemeza ko habaye kurarira.

Icyababaje nuko umusifuzi wo ku ruhande yacyemeje ariko uwo hagati aracyanga kandi uwo ku ruhande ariwe usifura kurarira.

Nyuma yo kuganira kw’abasifuzi, Twagirumukiza yemeje ko habayeho kurarira bitera umujinya abakinnyi ba Police FC.

Police FC yagerageje gusatira mu minota 7 y’inyongera ngo ibone gusatira ishaka igitego cya gatatu,ariko biba iby’ubusa.

Police FC ihagaritse urugendo rw’imyaka 11 yari imaze idatsinda APR FC muri shampiyona,ku ntsinzi y’ibitego 2-1.

Kiyovu Sports yafashe umwanya wa mbere nyuma yo gutsinda Gorilla FC ibitego 2-1,

Ibitego bya Kiyovu Sports byatsinzwe na Ndayishimiye Thierry ku munota wa 39 naBigirimana Abedi kuwa 48.Iradukunda Simeon yatsindiye impozamarira Gorilla.

Kiyovu Sports yujuje umukino wa 8, itsinda yikurikiranya muri Shampiyona, Ihise inafata umwanya wa mbere ku rutonde rw’agateganyo

Umukino wahuzaga Rwamagana FC na Rayon Sports wasubitswe bamaze gukina iminota 27.

Imvura nyinshi niyo yabaye intandaro yo guhagarika uyu mukino utarangiye.

Amakipe yombi yanganyaga igitego 1-1.Umukino uzasubukurwa ejo I Ngoma.

Muri shampiyona, Police FC iheruka gutsinda APR FC, Ku ya 11 Gashyantare 2012, iyitsinda ibitego 3-2.

Kiyovu Sports yatsinze Gorilla FC 2-1, ifite amanota 56, irusha atatu Ikipe y’Ingabo.

Mu yindi mikino yabaye, Mukura VS yatsinze Espoir FC 3-1, Marines FC itsinda Rutsiro FC naho Sunrise FC itsinda Etincelles FC 2-0.

Uko imikino yagenze:

Police FC 2-1 APR FC

KIYOVU Sports 2-1 Gorilla FC

Sunrise 2-0 Etincelles FC

Mukura VS 3-2 ESPOIR FC

Marines FC 2-1 Rutsiro FC