Ikipe ya APR FC yabaye ikipe ya mbere yageze muri 1/2 cy’Igikombe cy’Amahoro nyuma yo gutsinda Marines 4-2 no kuyisezerera ku giteranyo cy’ibitego 6-3 mu mikino yombi.
Marines FC yakiriye APR FC mu mukino wo kwishyura wa 1/4 cy’Igikombe cy’Amahoro,wabaye kuri uyu wa Kabiri tariki ya 25, kuri Stade Umuganda mu Karere ka Rubavu.
Ikipe ya APR FC yayitsinze ibitego 4-2 byiyongera kuri 2-1 yayitsindiye i Kigali,ihita igera muri 1/2 cy’irangiza.
Muri uyu mukino utari uhangayikishije abakunzi ba APR (...)

Sponsored Ad

Ikipe ya APR FC yabaye ikipe ya mbere yageze muri 1/2 cy’Igikombe cy’Amahoro nyuma yo gutsinda Marines 4-2 no kuyisezerera ku giteranyo cy’ibitego 6-3 mu mikino yombi.

Marines FC yakiriye APR FC mu mukino wo kwishyura wa 1/4 cy’Igikombe cy’Amahoro,wabaye kuri uyu wa Kabiri tariki ya 25, kuri Stade Umuganda mu Karere ka Rubavu.

Ikipe ya APR FC yayitsinze ibitego 4-2 byiyongera kuri 2-1 yayitsindiye i Kigali,ihita igera muri 1/2 cy’irangiza.

Muri uyu mukino utari uhangayikishije abakunzi ba APR FC, amakipe yombi yatangiye asatira byatumye yose agira igitego 1-1. APR FC yafunguye amazamu ibifashijwemo na Mugisha Gilbert ku munota wa 4 mu gihe Usabimana Olivier yishyuriye Marines FC kuwa 13.

Ibindi bitego bya APR FC byatsinzwe na Yannick Bizimana ku munota wa 24,Kwitonda Alain "Bacca" atsinda ibitego bibiri ku wa 35, 67.

Nahimana Amimu yatsindiye Marines FC igitego cya kabiri ku munota wa 87 umukino urangira utyo.

APR FC izahura n’izakomeza hagati ya Kiyovu Sports na Rwamagana City FC.

Rayon Sports izakina umukino ubanza wa 1/4 cy’irangiza kuri uyu wa Gatatu na Police FC mu gihe Rwamagana yatsinze Kiyovu ibitego 3-2 izasura Kiyovu Sports.Musanze ikine na Mukura VS.