Abategura shampiyona y’Ubwongereza, Premier League,bamaze gutangaza ingengabihe y’uko amakipe yose uko ari 20 azahura mu mwaka w’imikino wa 2020/2021 uzatangira kuwa 12 Nzeri 2020.

Sponsored Ad

Ikipe ya Liverpool niyo izatangirana imikino ikomeye kuko izatangira ikina Leeds United,ikurikizeho Chelsea na Arsenal.

Mu mikino 5 ya mbere ya Liverpool harimo kandi umwanzi wabo w’ibihe byose Everton hanyuma ku munsi 08 ihure na Manchester City nayo bazahangana nta kabuza.

Manchester United yo izagorwa cyane n’ukwezi kwa 10 kuko izaba ifitemo Tottenham, Newcastle, Chelsea na Arsenal.Izahura na Manchester City mu Ukuboza 2020.

City yo izahera kuri Wolves,ikurikizeho Leicester,Leeds na Arsenal mu mikino yayo ya Premier League.

Frank Lampard na Chelsea ye bazabanza guhura na Brighton hakurikireho Liverpool nyuma West Bromo yazamutse.

Mikel Arteta na Arsenal ye bazabanza guhura na Fulham,bakurikizeho Westham,Liverpool mu gihe Jose Mourinho azatangira yakira Everton.

Jose Mourinho ntazahura n’amakipe akomeye mu mezi 2 ya mbere uretse Manchester United,ariko mu Ugushyingo azakina n’ibigugu bitandukanye birimo City, Chelsea, Arsenal na Liverpool mu mikino izaba ikurikirana.

Imikino yitezwe cyane n’itariki izaberaho:

Manchester United vs Tottenham (Kuwa 03 Ukwakira,2020)

Everton vs Liverpool (Kuwa 17 Ukwakira 2020)

Manchester City vs Liverpool (Kuwa 7 Ugushyingo 2020)

Tottenham vs Arsenal (kuwa 5 Ukuboza 2020)

Manchester United vs Manchester City (Kuwa 12 Ukuboza 2020)

Liverpool vs Manchester United (Kuwa 16 Mutarama 2021)

Chelsea vs Arsenal (Kuwa 12 Gicurasi 2021)

Uko imikino y’umunsi wa 01 iteganyijwe