skol
Kigali
startimes

PSG VS Bayern: Abatoza bahize imihigo mbere y’umukino wa nyuma wa Champions League

Imyidagaduro   Yanditswe na: Dusingizimana Remy 23 August 2020 Yasuwe: 1223

Umutoza Hansi Flick wa Bayern Munich avuga ko ikipe ye yiteguye "kwitanga uko ari ko kose" igasoza uyu mwaka w’imikino wose neza yegukana igikombe cya Champions League.


Iyi kipe ifite igikombe cya shampiyona y’Ubudage y’uyu mwaka n’igikombe cy’Ubudage, yagaragaje kutajenjeka muri uyu mwaka w’imikino wa 2019-2020.

Irasoza uyu mwaka kuri iki cyumweru ikina ’finale’ na Paris Saint-Germain (PSG) mu mujyi wa Lisbonne muri Portugal.

Ni umukino utangira saa tatu z’ijoro ku isaha yo mu Rwanda no mu Burundi.

Mu gihe yaba yegukanye iyi Champions League, yaba ibaye iya mbere guhera mu mwaka wa 2013.Bayern bwaba ari ubwa kabiri gusa mu mateka yayo yegukanye ibikombe bitatu i Burayi no mu Budage mu mwaka umwe.

Umutoza Flick, watsinze imikino yose 10 amaze gutoza Bayern muri iyi Champions League, yagize ati: "Ni umukino udasanzwe".

"Twateye intambwe ikomeye mu bijyanye n’iterambere ryacu kandi ikipe yiteguye kwitanga uko ari ko kose ikagerageza gutsinda [uyu mukino]".

Bayern iri gushaka kwegukana iki gikombe ku nshuro ya gatandatu, mu gihe PSG yo ishaka kwegukana iyi Champions League bwa mbere.

Umutoza Thomas Tuchel wa PSG avuga ko "akantu kisumbuye" kuri Bayern ari uko imenyereye kugera ku mukino wa nyuma.

Uyu mutoza wa PSG wahoze atoza Borussia Dortmund yo mu Budage, yongeyeho ati: "Ni akazi gakomeye [kuri twe] ariko natwe twifitiye icyizere".

"Muri twe twumva ko tugeze ku mukino wa nyuma twarabiharaniye. Twiteguye guhatana".

PSG yabaye ikipe ya 41 ibashije gukina umukino wa nyuma wa Champions League.

Amakipe atandatu aheruka kuwugeraho bwa mbere yaratsinzwe mu gihe iheruka kwegukana igikombe ku nshuro yayo ya mbere ikina umukino wa nyuma ari Borussia Dortmund yatsinze Juventus mu 1997.

Ni ku nshuro ya 11 Bayern Munich igeze ku mukino wa nyuma w’igikombe cy’irushanwa rikomeye i Burayi mu gihe Real Madrid ariyo yonyine yawukinnye kenshi kuyirusha (16). Bayern yaritwaye inshuro eshanu, Real Madrid (13), AC Milan (7) na Liverpool (6).

Hashize imyaka 27 nta kipe yo mu Bufaransa itwara UEFA Champions League kuva Olympique Marseille ibigezeho mu 1993.

Bayern Munich na Paris St. Germain zahuye inshuro umunani mu matsinda y’iri rushanwa, PSG itsinda imikino itanu mu gihe Bayern yatsinze itatu irimo uheruka wo mu Ukuboza 2017.

Umukinnyi ushidikanywaho ku ruhande rwa Bayern Munich ni Jerome Boateng mu gihe ku ruhande rwa PSG,Keylor Navas na Marco Verratti bagarutse mu kibuga.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Djabel yahishuye ibintu 2 bizafasha APR FC gusezerera Gor Mahia

Umukinnyi Manishimwe Djabel ukina afasha ba rutahizamu gutsinda ibitego...
29 November 2020 Yasuwe: 1281 0

Diamond Platnumz yakoze benshi ku mutima kubera ibyo yakoreye...

Umuhanzi ukomeye muri Afurika Nasibu Abdoul Juma benshi uzwi nka Diamond...
29 November 2020 Yasuwe: 1957 0

Umukunzi wa Cristiano Ronaldo yasajije abakunzi be kubera ibyo yakoreye...

Umukunzi wa Cristiano Ronaldo,Georgina Rodriguez,yongeye gusaza abakunzi be...
29 November 2020 Yasuwe: 3218 0

Abakinnyi ba Bournemouth barakariye shebuja kubera ibyo yakoreye umugore...

Abakinnyi b’ikipe ya Bournemouth yo mu cyiciro cya kabiri mu Bwongereza...
29 November 2020 Yasuwe: 2292 0

Zinedine Zidane yahaye abanyamakuru igisubizo gitangaje nyuma yo gutsindwa...

Umutoza wa Real Madrid,Zinedine Zidane,utari kwitwara neza muri uyu mwaka...
29 November 2020 Yasuwe: 1877 0

APR FC yatanze icyizere cyo gusezerera Gor Mahia muri CAF Champions...

Ikipe ya APR FC yatsinze Gor Mahia mu mukino ubanza w’ijonjora rya mbere rya...
28 November 2020 Yasuwe: 1956 0