Rayon sport inyagiye Police FC ikatisha itike ya ½ cya Peace Cup
Umukino wo kwishyura wa ¼ mu Gikombe cy’Amahoro, Rayon Sports yakiragamo Police FC, urangiye ari ibitego 3 bya Rayon sport kuri 2 bya Police FC.

Sponsored Ad

Rayon sport inyagiye Police FC ikatisha itike ya ½ cya Peace Cup
Umukino wo kwishyura wa ¼ mu Gikombe cy’Amahoro, Rayon Sports yakiragamo Police FC, urangiye ari ibitego 3 bya Rayon sport kuri 2 bya Police FC.

Saa Cyenda zuzuye ni bwo Umusifuzi Ruzindana Nsoro yasabye abari muri Kigali Pelé Stadium gufata umunota wo kunamira abaturage bagera ku 129 baguye mu biza byibasiye tumwe mu Turere two mu Ntara y’Iburengerazuba.

Ibi biza byabaye mu ijoro ryo ku wa Kabiri rishyira ku wa Gatatu, tariki ya 3 Gicurasi 2023 aho imvura nyinshi yaguye mu Turere twa Nyabihu, Rubavu, Rutsiro, Karongi na Ngororero.

Mu gitondo cyo kuri uyu wa Gatatu, Ishyirahamwe ry’Umupira w’Amaguru mu Rwanda, Ferwafa, ryatangaje ko mu mukino wo kwishyura wa ¼ mu Gikombe cy’Amahoro, Rayon Sports yakiramo Police FC hafatwa umunota wo kunamira aba baturage.

Ibi byanakozwe ku yindi mikino yabaye uyu munsi irimo n’iyahuje amakipe ahataniye gushaka itike yo kuzamuka mu Cyiciro cya Mbere. Irimo uwahuje Amagaju FC na Gicumbi FC ndetse n’uwa Etoile de l’Est na Vision FC.

Umukino ubanza Rayon sport yari yawutsinze Police FC ibitego 3 kuri 2 bivuze ko imikino yombi irangiye habonetse igiteranyo cy’ibitego 6-4

Uku bimeze, bivuze ko Raron Sport ikomeza ikazahura na Mukura VS yageze mu mikino ya ½ isezereye Musanze FC.

Muri iki cyiciro kandi APR FC izacakirana na Kiyovu Sports mu mikino iteganyijwe ku wa 9-10 Gicurasi 2023.