skol
Kigali
startimes

Rayon Sports irimo abakinnyi bashya yatangiye imyitozo [AMAFOTO]

Imyidagaduro   Yanditswe na: Dusingizimana Remy 2 November 2020 Yasuwe: 3471

Kuri uyu wa Mbere tariki ya 02 Ugushyingo 2020, nibwo Rayon Sports yatangiye imyitozo yo kwitegura umwaka w’imikino wa 2020/2021 nyuma yo gupimisha abakinnyi icyorezo cya Covid-19.


Rayon Sports yagaragayemo Abakinnyi bashya nka Vital Oulega, Manasse Mutatu, Sadjati Niyonkuru, Fidèle Mujyanama,n’umutoza wayo mushya Guy Bukasa.

Komite nshya iyobowe na Uwayezu Jean Fidele yasuye abakinnyi mu myitozo ndetse igirana ibiganiro nabo irangiye.

Ku wa Gatandatu tariki 31 Ukwakira 2020, nibwo Rayon Sports yapimye abakinnyi n’abandi bakozi bayo icyorezo cya Covid-19,ku cyicaro cyayo kiri ku Kimihurura.

Iki gikorwa cyakozwe n’itsinda ry’abaganga boherejwe n’Ikigo cy’Igihugu Gishinzwe Ubuzima (RBC) ariko ku ruhande hari irindi tsinda ry’abaganga bashatswe na Rayon Sports ngo nabo bapime abakinnyi ibindi bipimo by’indwara zinyuranye.

Uretse Covid-19, abakinnyi babapimye ibiro, imiterere y’umutima, umwijima, umuvuduko w’amaraso, infection yo mu maraso, Diabete,babapima n’umuriro.

Abakinnyi bapimwe ntibarimo Rugwiro Herve na Kwizera Olivier bari mu ikipe y’igihugu,Amavubi. Ntibarimo kandi Sugira Erneste wavunikiye mu myitozo y’ikipe y’igihugu.

Perezida mushya wa Rayon Sports Uwayezu Jean Fideleaherutse gusezeranya abakunzi b’iyi kipe ko ibibazo biyihoramo bishyizweho akadomo, ko bagiye kongera kubona ibyishimo mu minsi iri imbere.

Yabivugiye mu muhango w’ihererekanyabubasha waabereye ku cyicaro cya Rayon Sports giherereye ku Kimihurura ku wa Gatanu tariki 30 Ukwakira 2020.

Uwayezu Fidele yagize ati " Baca umugani mu Kinyarwanda ngo nta joro ridacya, ngo nta mvura idahita. Rayon Sports imaze iminsi mu icuraburindi, abafana bayo, abakunzi bayo, abakunzi b’umupira barababaye, ariko ahari abagabo beza, abagore beza, ntabwo hagwa ibara. Amateka mabi y’ibibazo ararangiye."






Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Neymar Jr yateje impaka ubwo yemezaga ko umwaka utaha azakinana na...

Rutahizamu Neymar Jr waraye witwaye neza cyane mu mukino wa UEFA Champions...
3 December 2020 Yasuwe: 954 0

APR FC yamaze kugera muri Kenya guhangana na Gor Mahia

Ku mugoroba wo kuri uyu wa gatatu saa kumi n’igice, ikipe y’ingabo z’igihugu...
3 December 2020 Yasuwe: 692 0

Real Madrid yiyemeje kugurana Eden Hazard undi mukinnyi mwiza ku...

Ikipe ya Real Madrid iri mu bihe bibi cyane muri uyu mwaka w’imikino,yatangiye
2 December 2020 Yasuwe: 2894 0

Umwana wa Diego Maradona yasabye Lionel Messi ikintu gitangaje...

Umwana wa Diego Maradona yasabye kizigenza Lionel Messi nawe ukomoka muri...
2 December 2020 Yasuwe: 4560 0

Rayon Sports yavuze ku bakinnyi bayo bivugwa ko barwaye Malaria

Ubuyobozi bwa Rayon Sports bwahakanye ko nta mukinnyi wayo urwaye Malaria...
2 December 2020 Yasuwe: 2171 0

APR FC yamuritse imyenda izambara muri uyu mwaka mushya w’imikino yakozwe...

Kuri uyu wa Kabiri iya 01 Ukuboza, nibwo ikipe y’ingabo z’igihugu yakiriye...
2 December 2020 Yasuwe: 1837 0