Ikipe ya Rayon Sports igiye kwisobanura na Bugesera FC muri shampiyona y’icyiciro cya mbere.
Umutoza wa Rayon Sports Masoudi Djuma atangaza ko yiteguye uwo mukino neza, ariko akaba asaba abakunzi b’iyo kipe kubashyigikira ku mukino bafitanye na Bugesera FC kugira ngo bakomeze kuyobora urutonde rwa shampiyona.
Rayon Sports muri shampiyona iri ku mwanya wa mbere n’amanota 13 mu gihe Bugesera FC iri ku mwanya wa 8 n’amanota 8.
Uwo mukino uzaba kuwa gatandatu tariki ya 25 Ugushyingo 2016 kuri (...)

Sponsored Ad

Ikipe ya Rayon Sports igiye kwisobanura na Bugesera FC muri shampiyona y’icyiciro cya mbere.

Umutoza wa Rayon Sports Masoudi Djuma atangaza ko yiteguye uwo mukino neza, ariko akaba asaba abakunzi b’iyo kipe kubashyigikira ku mukino bafitanye na Bugesera FC kugira ngo bakomeze kuyobora urutonde rwa shampiyona.

Rayon Sports muri shampiyona iri ku mwanya wa mbere n’amanota 13 mu gihe Bugesera FC iri ku mwanya wa 8 n’amanota 8.

Uwo mukino uzaba kuwa gatandatu tariki ya 25 Ugushyingo 2016 kuri Sitade ya Kigali i Nyamirambo.

Umukino waherukaga guhuza ayo makipe yombi, Rayon Sports yatsinze Bugesera FC ibitego 4-0, ukaba warabaye tariki 11 Gicurasi 2016.

Muri shampiyona umukino uheruka kuba kuwa gatandatu tariki ya 23 Ugushyingo 2016, aho AS Kigali yatsinze Gicumbi FC 1-0. Icyo gitego kimwe cya AS Kigali cyatsinzwe na Ntamuhanga Tumaine.

AS Kigali iri ku mwanya wa 4 n’amanota 10 mu gihe Gicumbi FC iri ku mwanya wa 12 n’amanota 4.

Ikipe iza ku mwanya wa nyuma muri shampiyona ni Marines FC ifite inota rimwe.
Muri shampiyona igeze ku munsi wa gatandatu. Kwizera Pierrot wa Rayon Sports niwe ufite ibitego byinshi 5.

Indi mikino izaba kuwa gatandatu tariki ya 26 Ugushyingo 2016:

Espoir Fc Vs Mukura VS (Rusizi)
Marines Fc vs Amagaju Fc (Stade Umuganda)
Ku cyumweru tariki ya 27 Ugushyingo 2016:
Musanze Fc vs Police Fc (Nyakinama)
Kirehe Fc vs SC Kiyovu (Ngoma)
Etincelles Fc vs Sunrise Fc (Stade Umuganda)

Source: Izubarirashe.rw