Ikipe ya Rayon Sports yatsinze Vision FC ibitego 2-0 mu mukino ubanza wa 1/4 cy’Igikombe cy’Amahoro biyiha amahirwe menshi yo kuba yagera mu mikino ya 1/2 cy’irangiza.

Sponsored Ad

Rayon Sports ifite igikombe giheruka,yari yasuye Vision FC ku kibuga cya Mumena iyitsinda mu mukino ubanza ndetse uwo kwishyura niyo izawakira.

Igice cya Mbere kitari kinogeye ijisho, cyarangiye Rayon Sports inganya na Vision FC 0-0.

Igice cya kabiri Rayon Sports yaje yariye karungu ifungura amazamu ku munota wa 48 ku gitego cyatsinzwe na Arsène Tuyisenge ku mupira yahawe na Charles BBAALE.

Bidatinze ku munota wa 63,Hakim Bugingo yagaragaje ko ari umusimbura mwiza wa Luvumbu mu gutera imipira iteretse,atsinda igitego cya kabiri kuri coup franc.

Ibi bitego nibyo byasoje uyu mukino ubanza.

Ku rundi ruhande,Police FC imaze iminsi itsindwa muri shampiyona,yikosoye mu gikombe cy’Amahoro itsinda Gorilla FC ibitego 2-0 byose byatsinzwe na Ismailla Molo
ku munota wa 52 n’uwa 92.

Mukura VS yananiwe guha abakunzi bayo umunsi mukuru wa Saint Valentin.inganya 0-0 na Bugesera FC yari yakiriye.

Nkuko abizwiho.umutoza Haringingo ashobora gutungurana agakuramo iyi Mukura VS mu mukino wo kwishyura cyane ko imikino yo gukuranamo ari mwiza cyane.

APR FC yanganyije 0-0 na Gasogi United,kuri Kigali Pelé Stadium.

Kwitonda Alain Bacca wa APR FC yahushije penaliti ku munota wa 59.

Yayiteye umunyezamu Dauda ayikuramo ashatse gusonga nanone uyu munyezamu awukubitisha amaguru uva ku izamu.