Ikinyamakuru mpuzamahanga Euro Top Teams gikora intonde z’amakipe ahagaze neza buri mwaka mu mikino yose cyatangaje ko Rayon Sports iri ku mwanya wa 36 mu makipe akomeye muri Africa,mu gihe APR FC yo yagumye ku mwanya wa 49.

Sponsored Ad

Iki kinyamakuru ‘Euro Top Teams’ cyasohoye urutonde rw’uko amakipe ahagaze ku mugabane wa Afurika hagendewe ku musaruro yatanze mu mwaka w’imikino ushize.

Nk’ibisanzwe ikipe ya Al Ahly Sporting Club yo mu Misiri niyo iyoboye urutonde muri Afurika n’amanota 1608, ikurikiwe na Tout Puissant Mazembe Englebert yo muri Repubulika Iharanira Demokarasi ya Congo ifite amanota 1330.

Rayon Sports yazamutse imyanya 39 kuko yavuye ku wa 75 ijya ku wa 36, aho ifite amanota 247 mu gihe APR FC iri ku mwanya wa 49 n’amanota 191.

Andi makipe yo mu karere ka Afurika y’Uburasirazuba aza hafi kuri uru rutonde ni AS Vita Club yo muri RDC iri ku mwanya wa 10, Young Africans FC yo muri Tanzania iri ku wa 26, Saint-George SA yo muri Ethiopia iri ku wa 27, KCCA iri ku wa 41 naho Gor Mahia FC iri ku wa 42.

Amakipe 10 ya mbere muri Afurika:
1. Al-Ahli: 1608 (Misiri)
2. TP Mazembe: 1330 (RDC)
3. Esperance Sportive de Tunis: 1246 (Tunisia)
4. Etoile Sportive du Sahel 1147: (Tunisia)
5. Al Hilal: 873 (Sudani)
6. ES Setif: 822 (Algeria)
7. El Zamalek: 751 (Misiri)
8. ASEC Mimosas: 717 (Côte d’Ivoire)
9. Wydad Casablanca: 701 (Maroc)
10. AS Vita Club 696: (RDC)
source:IGIHE