Rayon Sports yakiriye amakuru meza mbere yo guhura na Muhazi United
Yanditswe: Tuesday 05, Dec 2023
Ikipe ya Rayon Sports imaze iminsi ikina idafite bamwe mu bakinnyi igenderaho barimo Aruna Moussa Madjaliwa ukina hagati mu kibuga.
Amakuru meza ayivugwamo nuko uyu Murundi ndetse na myugariro Nsabimana Aimable utaragaragara cyane, bakoze imyitozo bitegura kwakira Muhazi United kuri uyu wa Gatatu saa kumi n’ebyiri (18:00) kuri Kigali Péle Stadium.
Rayon Sports ifite ibyishimo nyuma yo gutsinda imikino iheruka irimo uwa Police FC,iri gushaka uko yagabanya ikinyuranyo irushwa na APR FC iyoboye shampiyona.
Rayon Sports ifite abakinnyi bayo bose kuko Luvumbu na Rwatubyaye basibye umukino uheruka wa Bugesera FC kubera amakarita bagarutse.
Ku rundi ruhande,APRFC irisobanura na Gasogi United mu mukino w’umunsi wa 13 wa shampiyona.
APR FC iraza ishaka amanota 3 kuko ubushize yanganyije igitego 1-1 na Kiyovu Sports.Yaba APR FC na Rayon Sports zose zizakina saa kumi n’ebyiri z’umugoroba.
Madjaliwa na Aimable bagarutse mu myitozo
Leave a Reply
Your email address will not be published. Required fields are marked *