Ku munsi w’ejo nibwo ikipe ya Kiyovu Sports izacakirana n’ikipe ya Rayon Sports ku Mumena aho abakinnyi ba Rayon Sports batangaje ko biteguye kumanura mu cyiciro cya kabiri Kiyovu Sports isabwa gutsinda uyu mukino byanze bikunze.
Nubwo ikipe ya Rayon Sports yamaze gutwara igikombe cya shampiyona abakinnyi bavuze ko bashaka kuyirangiza bashimisha abafana bayo babagiye inyuma kuva itangiye kugeza ku munsi w’ejo.
Nubwo ibintu bitoroshye ku ikipe ya Kiyovu abakunzi bayo baganiriye n’ (...)

Sponsored Ad

Ku munsi w’ejo nibwo ikipe ya Kiyovu Sports izacakirana n’ikipe ya Rayon Sports ku Mumena aho abakinnyi ba Rayon Sports batangaje ko biteguye kumanura mu cyiciro cya kabiri Kiyovu Sports isabwa gutsinda uyu mukino byanze bikunze.

Nubwo ikipe ya Rayon Sports yamaze gutwara igikombe cya shampiyona abakinnyi bavuze ko bashaka kuyirangiza bashimisha abafana bayo babagiye inyuma kuva itangiye kugeza ku munsi w’ejo.

Nubwo ibintu bitoroshye ku ikipe ya Kiyovu abakunzi bayo baganiriye n’ Ikinyamakuru Umuryango batangaje ko biteguye kuzajya gushyigikira ikipe yabo ngo barebe ko baguma mu cyiciro cya mbere, bavuga ko bizeye abakinnyi babo.

Abakinnyi hafi ya bose ba Rayon Sports bari bahari ndetse n’abasore baherutse mu ikipe y’igihugu iherutse gutsindirwa muri Centrafrique 2-1 barimo Bakame,Niyonzima Olivier,Manzi Thierry na Savio ndetse na Kwizera Pierrot ukubutse mu Burundi gukina n’ikipe ya Lesotho bari bahabaye.

Uyu mukino ufite icyo uvuze ku ruhande rwa kiyovu iraza gushaka uko yaguma mu cyiciro cya mbere imazemo imyaka 60, gusa urebye ku makipe ashobora kumanuka niyo bishoboka cyane kuko niyo ifite amanota make 27 ndetse niyo iraza guhura n’ikipe ikomeye ugereranyije n’ayo bahanganye aribo Gicumbi na Kirehe.

Ikipe ya Kirehe yo izahura na Mukura I Huye aho abakurikiranira hafi ibya shampiyona y’u Rwanda bemeza ko nta gihindutse mukura izawutsinda.

Indi kipe ishobora kumanuka n’ikipe ya Gicumbi gusa ugereranyije n’ayandi bihuje ibibazo niyo yorohewe kuko izaba yakiriye Pepiniere yamaze kumanuka I gicumbi ibintu bisa n’ibizaborohera.
Icyo Kiyovu Sports isabwa ni ugutsinda match ya Rayon Sports hanyuma igategereza ko Gicumbi na Kirehe zitsindwa.

Uko imikino iteganyijwe kuri uyu wa kane:

SC Kiyovu vs Rayon Sports FC (Stade Mumena, 15:30)
APR FC vs Bugesera FC (Stade Muhanga, 15:30)
Musanze Fc vs Sunrise FC (Musanze, 15:30)
Espoir FC vs AS Kigali (Rusizi, 15:30)
Gicumbi FC vs Pepiniere FC ( Gicumbi, 15:30)
Police FC vs Marines FC( Kicukiro, 15:30)
Mukura VS vs Kirehe FC(Huye, 15:30)
Amagaju FC vs Etincelles FC (Nyagisenyi, 15:30)