skol
Kigali
startimes

Rayon Sports yasinyishije Kwizera Olivier na Bigirimana Issa

Imyidagaduro   Yanditswe na: Dusingizimana Remy 1 July 2020 Yasuwe: 1380

Kuri iki gicamunsi cyo kuri uyu wa Gatatu tariki ya 01 Nyakanga 2020,Ikipe ya Rayon Sports yasinyishije abakinnyi babiri bahoze bakinira ikipe ya APR FC barimo umunyezamu Kwizera Olivier na rutahizamu Issa Bigirimana.


Uyu munyezamu wakiniraga Gasogi United biravugwa ko yahawe akayabo ka miliyoni 7 FRW kugira ngo asinye uyu mwaka umwe gusa uku gusinya kurakurikirwa n’urubanza kuko umuyobozi wa Gasogi United yavuze ko yabasinyiye amasezerano mashya.

Umuyobozi wa Gasogi United,Kakoza Nkuriza Charles uzwi nka KNC bivugwa ko yahaye miliyoni imwe FRW yo kugira ngo amusinyire imbanzirizamasezerano ariko uyu munyezamu yamuteye umugongo yigira muri Rayon Sports cyane ko ngo we yemeza ko iyi miliyoni ariyo bamugurije.

Umunyezamu Kwizera Olivier yakiniye APR FC ayivamo ajya muri Bugesera, Free State Stars na Gasogi United yakiniraga.

Aya mafaranga Kwizera Olivier yavugaga ko yari yahawe nk’inguzanyo, Gasogi yatangaje ko ari igice cya mbere cya “recrutement” yari ahawe kandi ko uyu munyezamu na we abizi neza.

KNC yagize ati: “ikibazo cya Kwizera nacyumvise muri Media nanatangazwa no kumva nyiri ubwite abivuga.

Olivier dufitanye amasezerano dore ko nyuma y’uko ibyo kujya muri Congo byanze twaricaranye yemera ko twakongera amasezerano ndetse anatwaka “avance”. Twarabikoze nubwo twari mu bihe bigoye bya Covid.

Ntabwo twigeze tuguriza Olivier biragaragara mu masezerano no mu majwi birahari”.

KNC yabwiye Radio 10 ko afite ibihamya bihagije ndetse n’amajwi yemeza ko Kwizera yabasinyiye amasezerano bityo atagurishwa.

Kwizera usanzwe ari umunyezamu w’ikipe y’igihugu aje gusimbura KimenyiYves werekeje mu Rucaca.

Undi mukinnyi wasinyiye Rayon Sports ni rutahizamu Bigirimana Issa nawe wasinye gukina umwaka utaha w’imikino gusa.

Issa Bigirimana yakinnye imyaka itanu muri APR FC mbere yo kuyivamo yerekeza muri Yanga ntiyahirwa ni ko kugaruka mu Rwanda akinira Police FC igihe gito.

Amakuru avuga ko uyu yahawe miliyoni eshatu zo kumugura mu gihe azajya ahabwa umushahara w’ibihumbi 400 by’amanyarwanda.

Uretse aba basore 2,Rayon Sports yamaze gusinyisha Umunya-Togo Alex Harley ukina mu kibuga hagati afasha abataha izamu, Niyonkuru Sadjati wakiniraga Marines FC, Uwingiyimana Christophe wakiniraga Gicumbi FC, Arsène Nihoreho wavuye muri Olympic Star yo mu Burundi.



Bigirimana na Kwizera Olivier basinyiye Rayon Sports

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Mikel Arteta yavuze impamvu itangaje ataraha umwanya Mesut Ozil muri uyu...

Ikipe ya Arsenal yaraye itsinze umukino wa 3 wikurikiranya muri uyu mwaka...
24 September 2020 Yasuwe: 706 0

Murenzi Abdallah yagizwe perezida w’inzibacyuho wa Rayon Sports...

Urwego rw’igihugu rw’imiyoborere,RGB,rwatangaje ko Murenzi Abdallah wigeze...
23 September 2020 Yasuwe: 1941 0

Cristiano Ronaldo na Messi ntibabonetse mu bakinnyi 3 bagomba gutoranywamo...

Abakinnyi 3 barimo Robert Lewandowski, Manuel Neuer na De Bruyne nibo...
23 September 2020 Yasuwe: 1640 0

Thiago Alcantara yanze gukora umuhango umenyerewe muri Liverpool kubera...

Umukinnyi mushya wa Liverpool, Thiago Alcantara,yanze gukora umuhango wo...
23 September 2020 Yasuwe: 2721 0

KNC watangaje ko agiye guhanganira ibikombe na APR FC yavuze akayabo...

Umuyobozi w’ikipe ya Gasogi United,Kakoza Nkuriza Charles yatangaje ko uyu...
23 September 2020 Yasuwe: 2069 0

FC Barcelona yagurishije Luis Suarez mu ikipe iyigora cyane

Ikipe ya Barcelona yemeye kureka rutahizamu Luis Suarez akerekeza mu ikipe...
23 September 2020 Yasuwe: 1757 0