skol
Kigali
startimes

Rayon Sports yishyuye umutoza Ivan Minnaert wari uyimereye nabi

Imyidagaduro   Yanditswe na: Dusingizimana Remy 14 September 2020 Yasuwe: 4278

Ikipe ya Rayon Sports iratangaza ko yamaze gukemura ikibazo cy’ideni rya miliyoni zisaga 14 Frw yari ibereyemo uwahoze ari umutoza wayo, Ivan Minnaert wayishinje kumwirukana binyuranyije n’amategeko akayitsinda.


Mu butumwa yanyujije ku rubuga rwayo rwa Twitter,Rayon Sports yatangaje ko ikibazo yari ifitanye na Minnaert cyakemutse ndetse ishyiraho ifoto y’uyu mugabo yahuje amaboko na Perezida Munyakazi Sadate.

Ubutumwa Rayon Sports yashyize hanze bugira buti “Turashaka gutangaza ko Rayon Sports yumvikanye na Ivan Minnaert ku byerekeye kwishyurwa.Ibirenzeho biraguma kuba ibanga.

Yakomeje iti “Ibibazo twari dufitanye (@rayon_sports & Ivan Minnaert) byakemutse.”

Ku gicamunsi nibwo amakuru yacicikanye ko Rayon Sports iri ku meza na Ivan Minnaert bumvikana uburyo yaba imwishyuye igice cy’amafaranga y’u Rwanda Miliyoni 7 hanyuma izisigaye akazazihabwa nyuma.

Hari amakuru akomeje gusakara hirya no hino avuga ko bamwe mu bakunzi ba Rayon Sports bahisemo kwicara bagakemura ibibazo byose bafite birimo ubwumvikane buke n’amikoro aho ngo iyi kipe yahawe amadolari menshi n’umwe mu bakunzi bayo ngo yiyubake.

Biravugwa ko Rayon Sports igiye kongera kwisubiza abakinnyi Kiyovu Sports yayitwaye barimo Kimenyi Yves,Irambona Eric ndetse ngo ikanayisahura rutahizamu Babuwa Samson yifuza gutangaho miliyoni 20 FRW.

Aba bakire bakunda Rayon Sports kandi ngo bahisemo kwicarana bagakemura ikibazo ikipe ifite bitabaye ngombwa ko RGB ibaha umwanzuro cyangwa Minisiteri.

Hari andi makuru avuga ko izi miliyoni 7 FRW zivugwa zatanzwe n’umukunzi wa Rayon Sports kugira ngo Minnaert yishyurwe ariko ngo na SKOL igiye kugaruka itanga miliyoni 500 FRW.

Ku wa Mbere w’icyumweru gishize,Ubunyamabanga bwa FERWAFA bwageneye umuyobozi wa Rayon Sports ibaruwa imumenyesha ko iyi kipe ibujijwe kwandikisha abakinnyi mu gihe itarishyura Ivan Minnaert.

Ku wa Gatandatu tariki ya 5 Nzeri nibwo Komisiyo y’Imyitwarire muri FERWAFA yateranye, isanga iminsi 60 yari yahaye Rayon Sports ngo ibe yamaze kwishyura kuva tariki ya 2 Nyakanga 2020, itarubahirijwe.

Ishingiye ku ngingo ya 61.c, y’amategeko agenga umupira w’amaguru mu Rwanda, Komisiyo y’Imyitwarire yategetse ko “Rayon Sports idashobora kwandikisha abakinnyi bayo kugeza igihe izaba yarangije kwishyura Ivan Jacky Minnaert amafaranga yatsindiye.”

Imiterere y’ikibazo cya Rayon Sports na Ivan Minnaert

Umubiligi Ivan Minnaert yasinyanye na Rayon Sports amasezerano y’imyaka ibiri tariki ya 27 Mata 2018, ariko aza gusezererwa nta nteguza tariki ya 20 Nyakanga 2018, ashinjwa gusagarira Hakizimana Corneille wari ushinzwe kongerera ingufu abakinnyi.

Uyu mutoza yareze Rayon Sports ndetse umwanzuro w’Akanama ka Ferwafa gashinzwe gukemura amakimbirane wemeza ko ubusabe bwa Ivan Minnaert bufite ishingiro, gategeka Rayon Sports kumwishyura ibihumbi $35,535.

Tariki ya 9 Kanama 2019, Ubuyobozi bwa Rayon Sports bwandikiye FERWAFA, bujuririra icyemezo, aho bwemezaga ko Akanama gashinzwe gukemura impaka gashobora kuba karabogamye.

Imyanzuro ya Komisiyo y’Ubujurire yongeye kuburanisha uru rubanza mu mizi tariki ya 7 Ukuboza 2019, yavugaga ko Rayon Sports hari ibyo itubahirije byari byumvikanyweho n’impande zombi.

Iyi Komisiyo yemeje ko Rayon Sports igomba kwishyura Ivan Minnaert $7500 yari yasigaye ku masezerano bumvikanyeho ndetse ikanatanga n’indishyi z’akababaro zingana n’ibihumbi $2000 kubera ubwumvikane butubahirijwe, amafaranga ikayamarana umwaka n’igice.

Komisiyo y’Ubujurire yemeje ko kandi Rayon Sports igomba kwishyura Ivan Minnaert ibihumbi $4000 y’indishyi angana n’umushahara w’ukwezi kumwe yari kujya ahembwa Ivan Minnaert iyo aza guhabwa amasezerano mashya y’Umuyobozi wa Tekiniki.

Yategetse kandi Rayon Sports kwishyura uyu mutoza w’Umubiligi $820 y’itike y’indege Kigali- Bruxelles bari bemeranyijwe ndetse n’ibihumbi 500 Frw y’igihembo cya Avoka aho kuba $1000 nk’uko uruhande rwa Minnaert rwabyifuzaga.

Muri rusange, FERWAFA yemeje ko Rayon Sports izishyura Ivan Minnaert ibihumbi $14,320 bingana na miliyoni 13.836 Frw, aho kuba miliyoni 32.5 Frw nk’uko byari byemejwe n’Akanama nkemurampaka muri Nyakanga 2019. Aya yiyongeraho kandi ibihumbi 500 Frw y’igihembo cya Avoka.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Joe Willock ukinira Arsenal yarokotse impanuka y’imodoka [AMAFOTO]

Umukinnyi ukiri muto Joe Willock ukina hagati mu ikipe ya Arsenal yakoze...
28 November 2020 Yasuwe: 719 0

Amakipe 17 arimo n’iya Chris Froome azitabira Tour du Rwanda 2021 izakinirwa...

Uyu munsi nibwo abategura irushanwa rya Tour du Rwanda na FERWACY bashyize...
27 November 2020 Yasuwe: 868 0

Yahuye n’uruva gusenya kubera kwifotoreza ku murambo wa Diego Maradona...

Umugabo witwa Diego Molina wari mu batoranyijwe ngo batunganye umurambo wa...
27 November 2020 Yasuwe: 4349 0

Arsenal yagiriye ikibazo muri Norway nyuma yo gutsinda Molde

Ikipe ya Arsenal yaraye itsindiye Molde ku kibuga cyayo muri Norway yaraye...
27 November 2020 Yasuwe: 2722 0

Gor Mahia yashyize hanze abakinnyi irazana I Kigali batarimo Jules...

Ikipe ya Gor Mahia igomba gukina na APR FC mu ijonjora rya mbere rya CAF...
27 November 2020 Yasuwe: 1251 1

Abakunzi ba Basketball bipimishije Covid-19 bemerewe kureba amajonjora y’...

Minisiteri ya siporo yatangaje ko abakunzi ba Basketball bipimishije...
27 November 2020 Yasuwe: 298 0