skol
Kigali
startimes

Real Madrid yatije Arsenal umukinnyi w’umuhanga wo kuziba icyuho cya Mesut Ozil

Imyidagaduro   Yanditswe na: Dusingizimana Remy 27 January 2021 Yasuwe: 4193

Ikipe ya Arsenal yamaze gutangaza ko yamaze gutizwa umunya Norway, Martin Odegaard,wakinaga asatira mu ikipe ya Real Madrid akaba agiye kuyikinira amezi 6 ari imbere.


Martin Odegaard w’imyaka 22,n’umwe mu bakinnyi bagaragaje ko bafite ahazaza heza kubera ubuhanga afite mu gutanga imipira no gutsinda ibitego rimwe na rimwe byatumye Arsenal imwifuza yiyemeza kumutira ngo ayifashe mu mezi 6 ari imbere.

Uyu musore ukiri muto w’umuhanga ashobora kuzakina umukino we wa mbere muri Premier League ubwo Arsenal izaba yakiye Manchester United ku cyumweru.

Ubwo yavugaga kuri uyu mukinnyi we mushya ugiye kujya yambara nimero 11,Mikel Arteta yagize ati “Ni byiza cyane kuba twabashije kuzana Martin ngo adukinire mu mezi 6 ari imbere.

Martin n’umukinnyi tuzi neza cyane kuko nubwo akiri muto amaze igihe kinini akina ku rwego rwo hejuru.

Martin azatwongerera imbaraga mu busatirizi ndetse twishimiye kuba tugiye kumufasha kwinjira neza mu mikinire yacu guhera ubu kugeza muri Gicurasi.

Umuyobozi wa tekinike muri Arsenal,Edu yagize ati “Martin n’umukinnyi wihariye kandi twashatse kongera ingufu mu ikipe yacu dushyiramo umukinnyi mwiza mu gusatira mu gihe gisigaye cya shampiyona.”

Martin yatangiriye umupira mu ikipe nkuru ya Stromsgodset ku myaka 15 muri Mata 2014.Niwe mukinnyi ukiri muto cyane wakinnye mu cyiciro cya mbere muri Norway kurusha abandi.

Odegaard yasinyiye Real Madrid muri Mutarama 2015 bituma aza kuba umukinnyi muto cyane wayikiniye muri Gicurasi uwo mwaka.

Odegaard yaje gutangira gutizwa ubwo yerekezaga muri Heerenveen na Vitesse Arnhem zo mu Buholandi nyuma aza kugaruka muri Espagne atizwa Real Sociedad yakoreyemo ibitangaza ubwo yayifashaga kugera ku mukino wa nyuma wa Copa Del Rey anayigeza muri Europa League.

Abazi neza Martin Odegaard bemeza ko ari umukinnyi w’umuhanga cyane ndetse akizamuka bamwitaga Messi muto.

Odeegard amaze gukinira Norway imikino 25 guhera muri 2014 aho yatangiye kuyikinira ku myaka 15 n’iminsi 253.

Odegaard yavuze ko yakuze akunda Arsenal ndetse ngo umukinnyi yakundaga ni Cesc Fabregas kubera ubuhanga yari afite mu gutanga imipira ivamo ibitego.



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Amavubi yatangiye imyitozo yo kwitegura Mozambique na Cameroon mu mvura...

Abakinnyi b’Amavubi batangiye imyitozo kuri uyu wa Mbere tariki ya 08...
8 March 2021 Yasuwe: 3061 0

Joan Laporta wiyemeje gusinyisha Messi yatorewe kuyobora FC...

Umugabo witwa Joan Laporta,niwe watsinze amatora yo kuyobora ikipe ya FC...
8 March 2021 Yasuwe: 3148 0

Manchester United yahagaritse umuvuduko wa City,Liverpool ikomeza kujya...

Ikipe ya Manchester United yatunguye benshi mu bakunzi ba ruhago ubwo...
7 March 2021 Yasuwe: 4167 0

Amavubi yamaze kwerekeza I Nyamata mu myiteguro yo gushaka itike ya CAN...

Nyuma y’aho umutoza Mashami Vincent ahamagaye abakinnyi 31 bagomba gufasha...
7 March 2021 Yasuwe: 3508 0

Lionel Messi yatoye Perezida wa FC Barcelona ku nshuro ye ya...

Benshi baracyibaza icyihishe inyuma yo kuba umunyabigwi akaba na kapiteni...
7 March 2021 Yasuwe: 4617 0

Igikombe cya CECAFA Rayon Sports yatwaye mu 1998 cyabonetse i...

Ni kenshi abafana ba Rayon Sports bakunda guhiga ubutwari aba APR FC ko...
7 March 2021 Yasuwe: 5015 0