Kigali

Ronaldinho yarokotse ibihano bikarishye yagombaga guhabwa kubera gukoresha pasiporo mpimbano

Imyidagaduro   Yanditswe na: Dusingizimana Remy 6 March 2020 Yasuwe: 2633

Uwahoze ari kabuhariwe mu mupira w’amaguru,Ronaldo de Assis Moreira, uzwi cyane nka Ronaldinho Gaúcho, ntabwo azaregwa gukoresha urwandiko rw’inzira (passport) ruhimbano yinjira muri Paraguay, nkuko bivugwa n’umutegetsi ukuriye abakurikirana iyo dosiye.



Uwo wahoze ari rutahizamu w’ikipe y’igihugu ya Brazil na Barcelona w’imyaka 39 y’amavuko, ndetse n’umugabo bavukana, bahaswe ibibazo n’inzego zishinzwe umutekano ejo ku wa kane bamaze kwerekana impapuro mpimbano z’inzira.

Umushinjacyaha Federico Delfino yavuze ko abo bavandimwe bazi neza ko bakoze icyaha ariko ko bagikoze batabishaka.

Bombi bemeye gukora ikindi gihano bahabwa.



Umushinjacyaha Delfino yabwiye abanyamakuru mu murwa mukuru Asuncion wa Paraguay ati:

“Turi kureba ubundi buryo twabirangizamo butavamo kuregwa mu rukiko kandi buzirikana ko aba bantu, ni ko twabivuga, batunguwe”.

Undi wari kumwe na bo muri urwo rugendo rwo muri Paraguay Wilmondes Sousa Lira w’imyaka 45 na we yahaswe ibibazo.



Kuri uyu wa gatanu ni bwo umucamanza afata umwanzuro ku busabe bw’umushinjacyaha Delfino. Ikindi gihano gishoboka cyaba nko kubaca amande yahabwa umuryango ufasha abatishoboye.

Ibiro ntaramakuru Reuters bitangaza ko Adolfo Marin, wunganira Ronaldinho mu mategeko, atabonetse ngo agire icyo abivugaho.

Abo bavandimwe bavuye ku kibuga cy’indege cya Guarulhos airport i Sao Paulo ku wa gatatu, bafite passports za Brazil. Bahawe iza Paraguay “bakiva mu ndege” mu murwa mukuru Asuncion.

Nkuko umushinjacyaha Delfino abivuga, abo bavandimwe bavuga ko izo passports bazihawe nk’impano. Iperereza ryasanze nimero zazo zihura n’amazina y’abandi bantu.

Uwo watsindiye inshuro ebyiri igihembo cy’umukinnyi w’umupira w’amaguru wahize abandi ku isi, yagiye muri Paraguay gukora ubukangurambaga ku gitabo no ku bikorwa bye by’ubukangurambaga bwo gufasha abana bo mu miryango icyennye.

Mu myaka ya 2004 na 2005, Ronaldinho yatsindiye igihembo cy’umukinnyi wahize abandi ku isi ndetse ibihe byiza cyane by’umupira we yabigiriye muri Barcelona.

Mu mwaka wa 2002, yafashije ikipe y’igihugu cye kwegukana igikombe cy’isi, ari kumwe n’abandi ba rutahizamu b’ibihangange nka Ronaldo na Rivaldo.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

KBS yahagaritse abakozi bayo amezi 3 kubera igihombo cyatewe na...

Kompanyi itwara abagenzi ya Kigali Bus Service yahagaritse abashoferi bayo...
1 April 2020 Yasuwe: 2648 0

Cesc Fabregas yavuze abatoza babiri yakunze cyane kurusha abandi mu...

Umukinnyi Cesc Fabregas uri gutanga amakuru muri iyi minsi yavuze ko...
1 April 2020 Yasuwe: 2476 0

Juventus yahuye n’ikibazo gishobora gutuma igurisha Cristiano...

Ibinyamakuru byo mu gihugu cy’ubutaliyani bibyutse byandika ko ikipe ya...
31 March 2020 Yasuwe: 4401 0

Lionel Messi yatangaje umukinnyi wa Chelsea aha amahirwe yo kuzayobora isi...

Umukinnyi wa mbere ku isi mu mupira w’amaguru,Lionel Messi yatangaje ko mu...
31 March 2020 Yasuwe: 5033 0

Rutahizamu w’umunyarwanda yatanze ubuhamya bw’ukuntu yakoreshaga...

Rutahizamu w’umunyarwanda wakiniye amakipe atandukanye hano mu Rwanda ari mo...
30 March 2020 Yasuwe: 9304 0

Karim Benzema yibasiye cyane Olivier Giroud bakinannye mu ikipe...

Rutahizamu wa Real Madrid Karim Benzema yibasiye cyane mugenzi we bavuka mu...
30 March 2020 Yasuwe: 3459 0