Mu mikino ibanza ya ¼ cya UEFA Champions League yabaye kuri uyu wa Kabiri taliki ya 03 Mata 2018,ikipe ya Real Madrid inyagiriye Juventus ku kibuga cyayo ibitego 3-0 mu gihe Bayern Munich nayo itsindiye Sevilla iwayo ibitego 2-1.
Real Madrid yagombaga gusura Juventus yandagaje muri Gicurasi umwaka ushize ku mukino wa nyuma w’iki gikombe bari guhatanira cya UEFA Champions League iyitsinze ibitego 4-1,yongeye kuyikora mu nkovu iyitsindira iwayo ibitego 3-0 bya Cristiano Ronaldo watsinze 2 na (...)

Sponsored Ad

Mu mikino ibanza ya ¼ cya UEFA Champions League yabaye kuri uyu wa Kabiri taliki ya 03 Mata 2018,ikipe ya Real Madrid inyagiriye Juventus ku kibuga cyayo ibitego 3-0 mu gihe Bayern Munich nayo itsindiye Sevilla iwayo ibitego 2-1.


Real Madrid yagombaga gusura Juventus yandagaje muri Gicurasi umwaka ushize ku mukino wa nyuma w’iki gikombe bari guhatanira cya UEFA Champions League iyitsinze ibitego 4-1,yongeye kuyikora mu nkovu iyitsindira iwayo ibitego 3-0 bya Cristiano Ronaldo watsinze 2 na Marcelo watsinze agashinguracumu.

Ku munota wa 3 w’umukino nibwo Real Madrid yafunguye amazamu ku gitego cyatsinzwe na Cristiano Ronaldo ku mupira mwiza yaherejwe na Isco wari umaze kureba uko ba myugariro ba Juventus bahagaze agasunika umupira mu rubuga rw’amahina ashaka guha Benzema,uyu kizigenza akamutanga kuwushyira mu rushundura.

Ikipe ya Juventus yagerageje kwihagararaho no gushaka kwishyura iki gitego biba iby’ubusa,byatumye Real ibona amahirwe kuko ku munota wa 36 Toni Kroos yatereye ishoti rikomeye inyuma gato y’urubuga rw’amahina umupira ukubita igiti cy’izamu ndetse ubu buryo nibwo bwarangije igice cya mbere ari igitego 1-0.

Igice cya kabiri cyatangiye ikipe ya Real Madrid isatira,ishaka impamba ihagije izayifasha mu mukino wo kwishyura, biza kuyihira ku munota wa 64 ku gitego cyiza cyane Cristiano Ronaldo yagaramye agatera umupira uri mu kirere Buffon ntamenye aho umupira uciye, byatumye abafana ba Juventus bagera ku bihumbi 40 bari baje kureba uyu mukino bakomera amashyi uyu musore.

Ibintu byaje kuba bibi cyane kuri Juventus, kuko ku munota wa 66 Paulo Dybala wari wazonze abakinnyi ba Real Madrid bo hagati n’inyuma yahabwaga ikarita ya kabiri y’umuhondo ku ikosa ry’ubwana yakoreye Carvajal ahita asohoka mu kibuga.

Real Madrid yakomeje kotsa igitutu Juventus bituma ku munota wa 72 Marcelo aca inyuma ba myugariro ba Juventus ashyiramo igitego cya 3 ku mupira yahererekanyije neza na Cristiano Ronaldo.

Real Madrid yakabaye yabonye ibitego 2 byari byabazwe aho mu minota ya nyuma umusore Matteo Kovacic yabonye uburyo bwiza agatera umupira ku mutambiko ndetse na Cristiano Ronaldo yasigaranye na Buffon ateye umupira uca hejuru y’izamu.

Ronaldo akomeje kugaragaza ubukaka bwe mu mikino ya UEFA Champions League y’uyu mwaka kuko yatsinze igitego cya 14 mu mikino 9 ya UEFA Champions League ndetse Juventus niyo kipe yibasira mu mikino ya UCL kurusha izindi kuko yayitsinze igitego cya 9 mu mikino 6 amaze guhura nayo.

Sergio Ramos wa Real Madrid na Bentancur na Dybala ba Juventus ntibazagaragara mu mukino wo kwishyura kubera ibibazo by’amakarita babonye.

Mu wundi mukino wabereye ku kibuga cya Ramon Sanchez Pizjua,ikipe ya Bayern Munichen yatsinze Sevilla ibitego 2-1 byatsinzwe na Jesus Navas witsinze na Thiago Alcantara watsinze icya 2 mu gihe Pablo Sarabia yari yafunguye amazamu ku ruhande rwa Sevilla.