skol
Kigali
startimes

Rugwiro Herve yandikiye Sadate amusaba kugoboka abakinnyi bamerewe nabi

Imyidagaduro   Yanditswe na: Dusingizimana Remy 1 September 2020 Yasuwe: 1513

Kapiteni wa Rayon Sports,Rugwiro Herve yandikiye Perezida Munyakazi Sadate mu izina ry’abakinnyi amusaba kugoboka abakinnyi mu bihe bibi barimo birimo kurwara ntibafashwe ndetse n’ubukene bukabije.


Rugwiro yibukije Sadate ko baheruka guhembwa mu kwezi kwa 2, bityo bishyuza umushahara wo kuva mu kwezi kwa 3 kugera mu kwa 8 cyane ko ngo bamenye ko amafaranga y’ubufasha bahawe na FIFA yamaze kugera ku ikipe.

Uyu kapiteni yabanje kumenyesha perezida ko bahawe amabaruwa ahagarika akazi by’agateganyo bityo bakenewe kumenya niba bakiri abakozi b’ikipe cyangwa se bishakire akandi.

Rugwiro yabwiye ubuyobozi ko abakinnyi babayeho mu buzima bubi kandi ubuyobozi ntacyo bubafasha, bityo bagasaba ko ibibazo byakemurwa vuba kuko ubuzima bwabo buri habi.

Rugwiro yasabye ubuyobozi bwe kwishyura abakinnyi bose amafaranga yose babasigayemo yaba ay’imishahara,uduhimbazamusyi n’ayo kubagura kugira ngo imikoranire ikomeze kuba myiza.

Rugwiro yasabye ikipe kuvugana n’abafatanyabikorwa bagashakira hamwe umuti urambye w’ibibazo bafitanye bityo ikipe ikongera kubona ubushobozi byananirana abanyamuryango bakishakamo ibisubizo birambye.

Rugwiro yanenze ubuyobozi bwa Rayon Sports ko bugezwaho ibibazo by’abakinnyi bukinumira aho yatanze urugero rw’ibibazo by’abakinnyi barwaye batafashijwe,kuba nta nkunga ngoboka ikiboneka.

Rugwiro yavuze ko imiryango y’abakinnyi isuherewe,abakodesha amazu bari kuyabasohoramo aho yibukije Sadate ko ibi bishobora kugira ingaruka na shampiyona yasubukurwa ntibatange umusaruro.

Mu minsi ishize hari amakuru yavuzwe ko bamwe mu bakinnyi ba Rayon Sports bandikiye ubuyobozi basaba gusesa amasezerano gusa ikipe yavuze ko atariko byagenze ahubwo abakinnyi bishyuzaga amafaranga barimo.

Abakinnyi ba Rayon Sports bari mu bihe bibi cyane kuko Drissa Dagnogo yishyuzwaga ibihumbi 270 Frw by’amezi atatu y’ubukode bw’inzu ku buryo yari hafi yo kuyirukanwamo.

Abakunzi b’umupira w’amaguru mu Rwanda bakusanyije inkunga y’amafaranga asaga ibihumbi 600 Frw kugira ngo bagoboke uyu rutahizamu wa Rayon Sports, Drissa Dagnogo.

Muri iyi minsi biravugwa ko ubuzima bw’abakinnyi ba Rayon Sports buri mu mazi abira kuko bamwe ngo badafite ibyokurya bihagije abandi babuze n’amafaranga y’ubukode.



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Joe Willock ukinira Arsenal yarokotse impanuka y’imodoka [AMAFOTO]

Umukinnyi ukiri muto Joe Willock ukina hagati mu ikipe ya Arsenal yakoze...
28 November 2020 Yasuwe: 499 0

Amakipe 17 arimo n’iya Chris Froome azitabira Tour du Rwanda 2021 izakinirwa...

Uyu munsi nibwo abategura irushanwa rya Tour du Rwanda na FERWACY bashyize...
27 November 2020 Yasuwe: 820 0

Yahuye n’uruva gusenya kubera kwifotoreza ku murambo wa Diego Maradona...

Umugabo witwa Diego Molina wari mu batoranyijwe ngo batunganye umurambo wa...
27 November 2020 Yasuwe: 4111 0

Arsenal yagiriye ikibazo muri Norway nyuma yo gutsinda Molde

Ikipe ya Arsenal yaraye itsindiye Molde ku kibuga cyayo muri Norway yaraye...
27 November 2020 Yasuwe: 2663 0

Gor Mahia yashyize hanze abakinnyi irazana I Kigali batarimo Jules...

Ikipe ya Gor Mahia igomba gukina na APR FC mu ijonjora rya mbere rya CAF...
27 November 2020 Yasuwe: 1232 1

Abakunzi ba Basketball bipimishije Covid-19 bemerewe kureba amajonjora y’...

Minisiteri ya siporo yatangaje ko abakunzi ba Basketball bipimishije...
27 November 2020 Yasuwe: 298 0