Rutahizamu wa West Ham, Michail Antonio yiteje umujinya w’abafana ba Arsenal ubwo yavugaga ko bamubangamira cyane iyo ikipe yabo imeze neza.

Sponsored Ad

Kugeza ubu Gunners iri ku isonga muri Premier League mu rugamba rukomeye rwo gushaka igikombe cya shampiyona rwegeranye kurusha izindi zabayeho.

Inota rmwe gusa niryo ritandukanyije batatu ba mbere, ariko nta kipe imeze neza muri 2024 kurusha Arsenal.

Ikipe ya Mikel Arteta yatsinze imikino umunani yose kuva uyu mwaka watangira, yinjiza ibitego 33 ndetse itsindwa bine gusa.

Bafite inkovu batewe n’umwaka w’imikino ushize, ubwo bayoboraga shampiyona iminsi 248, bagatwarwa igikombe na Man City.

Haracyariho kwizera gukomeye ko bashobora gutwara Premier League ku nshuro ya mbere mu myaka irenga 20.

Antonio yavugiye kuri Football Podcast ko abangamirwa n’abafana ba Arsenal iyo bari mu bihe byiza

Antonio yagize ati: "Ndashaka kuvuga ku bafana. Nigeze gukora iki kiganiro ku bafana ba Arsenal mbere.

"Abafana ba Arsenal barambabaza. Kubera ko iyo hari ikintu bagiye kugeraho , iba ari ikipe nziza kurusha izindi ku isi.

"Mu by’ukuri,biratangaje ukuntu aba bantu babona ibintu bidahari."

Ikipe ya Arsenal iracyafite gukina na Man City mu mpera za Werurwe mu mukino ushobora kugena utwara igikombe, mu igomba gukina kani na Chelsea, Tottenham na Manchester United.