Kigali
startimes

Rutanga yavuze impamvu nyamukuru yatumye ava muri Rayon Sports anayisengera ku Mana

Imyidagaduro   Yanditswe na: Dusingizimana Remy 29 May 2020 Yasuwe: 3484

Uwari kapiteni wa Rayon Sports,Rutanga Eric yahishuye ko impamvu yatumye ava muri Rayon Sports akerekeza muri Police FC ari uko yanze kumwishyura miliyoni 7 FRW yari imurimo kandi ibizi ko afite umuryango wo kwitaho.



Zimwe mu mpamvu zikomeye zatumye Rutanga ava muri Rayon Sports harimo ko yari amaze umwaka akinira ikipe ya Rayon Sports yaranze kumwishyura amafaranga agera kuri Frw 7 000 000 yamwemereye ubwo yayisinyiraga.

Rutanga yavuze ko yakunze umushinga mwiza wa Police FC wo kwiyubaka kugira ngo itware ibikombe ndetse ngo iyi kipe yamuhaye amafaranga menshi n’ubwishingizi bw’umuryango we

Ubwo yasezeraga abakunzi ba Rayon Sports babanaga mu itsinda rya WhatsApp, Rutanga yavuze ko ababajwe no kuba atandukanye nayo kuko yayikundaga, gusa ngo nta mahitamo yari afite nyuma yo kunanirwa kumwishyura amafaranga yari imurimo no kunanirwa kumuhemba kandi nta kandi kazi afite kamufasha gutunga umuryango.

Yagize ati“ Mwiriwe neza? Ni ukuri biragoye kubasezera pe kuko iyi kipe ni ikipe nakunze kandi ntazibagirwa n’ubwo ngiye mu w’undi muryango, gusa n’ubu ntibinyoroheye kuko ndabizi ntandukanye n’inshuti nyinshi ndetse yari nk’umuryango, gusa uwo musanzu ndawemeye nzajya nywutanga.

Nabuze amahitamo narategereje, narihanganye ariko murabizi mfite umuryango kandi nta kandi kazi mfite ni aka ni ko kantunze pe, kandi n’imyaka iba ijya imbere mubyumve gusa ndabizi ko bigoye ariko nanjye ubwanjye nzakomeza kuzirikana gikundiro kuko indi ku mutima. Murakoze icyo nakora nukubasabira imigisha kuri Allah ibibazo ikipe irimo bikazashira.”

Rutanga yavuze ko igitego yatsinze Gor Mahia muri Kenya avuga ko aricyo cyiza kurusha ibindi byose yatsindiye Rayon Sports

Amakuru yasakaye hirya no hino mu binyamakuru ku mugoroba wo kuri uyu wa Kane tariki ya 28 Gicurasi 2020,nuko Rutanga Eric yateye umugongo Rayon Sports yari abereye kapiteni yerekeza muri Police FC yamuguze akayabo ka miliyoni 15 FRW n’umushahara w’ibihumbi 800 000 FRW buri kwezi.

Rutanga wari usigaranye amasezerano y’umwaka 1 muri Rayon Sports,yahisemo guhita ayasesa cyane ko iyi kipe yari itaramwishyura akayabo ka miliyoni 7 yari imurimo.

Rutanga Eric yageze muri Rayon Sports ku itariki ya 7 Nyakanga 2017 avuye muri APR FC, akaba yaranakuriye mu ishuri ryigisha umupira ry’iyi kipe ari ryo APR Football Academy.

Yafashije Rayon Sports kugera muri 1/4 cy’imikino nyafurika ya 2018, ayihesha igikombe cya shampiyona 2018-19, Super Cup 2017 n’ibindi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Samuel Nshimayesu

    Elias we nubundi ubwo ntago wafanaga Rayon sport,ngo APR? niyo uvuga indi bsi.

    1 month ago
  • chat_bubble BUGESERA kaffu

    RUTANGA RUTANGA gerayo amahoro,ntacyo utaduhaye. gusa sadat akomeje kuba UMWAKU wa GIKUNDIRO Yanjye. @nyenyel_onanah

    1 month ago
  • chat_bubble BUGESERA kaffu

    RUTANGA RUTANGA gerayo amahoro,ntacyo utaduhaye. gusa sadat akomeje kuba UMWAKU wa GIKUNDIRO Yanjye. @nyenyel_onanah

    1 month ago
  • chat_bubble BUGESERA kaffu

    RUTANGA RUTANGA gerayo amahoro,ntacyo utaduhaye. gusa sadat akomeje kuba UMWAKU wa GIKUNDIRO Yanjye. @nyenyel_onanah

    1 month ago
  • chat_bubble alias

    Niyigendere .uretse n’abakinnyi n’abafana twagiye muri APR

    1 month ago
  • chat_bubble Mbeti

    Genda wa mugambanyi we ngo ni Rutanga, ntabwo uri umukinnyi kamara twakwita nomero ya mbere mu beza baciye muri Rayon Sports, waratinze kugenda ahubwo uba warajyanye na Martinez igihe ugumura abakinnyi APR ikadutsinda ku mukino uheruka twakubise stade yuzuye tugatahana ipfunwe , nimugende sha inzira n’umuhanda ibibazo turimo bizashira kandi tuzongera twubake ikipe ikomeye kugera kure siko gupfa.Munyakazi rero ubu ari kwicinya icyara ngo intego ye yo gusenya ikipe ayigezeho akananyuzamo akikirigita agaseka ngo ni abari kuturangaza abakinnyi baracyahari, abayobozi baragwira uyu we ni akaga.

    1 month ago

Inzindi nkuru

Jose Mourinho yishimiye ko abakinnyi be bari bagiye kurwanira mu...

Umutoza wa Tottenham,Jose Mourinho yishimiye ko abakinnye be Heung Min Son...
7 July 2020 Yasuwe: 2749 0

Cassa Mbungo yatangaje ikintu cyamubabaje muri Rayon Sports ayisaba no...

Uwari umutoza wa Rayon Sports,Cassa Mbungo Andre yatangaje ko yababajwe no...
7 July 2020 Yasuwe: 3182 0

Manace Matatu waguzwe na Rayon Sports yahaye isezerano rikomeye...

Umukinnyi Manace Matatu wasinyiye Rayon Sports amasezerano y’imyaka 3...
6 July 2020 Yasuwe: 3494 0

Gasingwa Michel wari ukuriye komisiyo y’abasifuzi yeguye ku mirimo...

Uwahoze ari umusifuzi mpuzamahanga w’Umunyarwanda,Gasingwa Michel, wari...
6 July 2020 Yasuwe: 1253 0

Perezida wa FC Barcelona yakuriye inzira ku murima abifuzaga kujyana Messi...

Perezida w’ikipe ya Barcelona yavuze ko Lionel Messi "azasoreza akazi ke...
6 July 2020 Yasuwe: 1062 0

Zinedine Zidane yatangaje ikintu kiri kumutera umujinya muri iyi minsi Real...

Umutoza w’ikipe ya Real Madrid ,Zinedine Zidane,yatangaje ko amaze...
6 July 2020 Yasuwe: 5181 0