Kuri iki Cyumweru Abanyarawanda ndetse n’abanya Centrafrika bahanze amaso umukino wo guhatanira itike yo kwerekeza mu gikombe cy’Afrika “CAN 2019” kizabera muri Cameroon.
Aya makipe akurikirana ku rutonde ngarukakwezi rwa FIFA ruheruka kujya ahagaragara taliki ya mbere y’uku kwezi aho u Rwanda ruri ku mwanya wa 128 ku isi n’amanota 246 mu gihe Centrafrique irugwa mu ntege ku mwanya 129 n’amanota 237.
Ikipe y’u Rwanda irasa naho irusha gato ibigwi ikipe ya Centrafrique kuko yo yabashije kubona (...)

Sponsored Ad

Kuri iki Cyumweru Abanyarawanda ndetse n’abanya Centrafrika bahanze amaso umukino wo guhatanira itike yo kwerekeza mu gikombe cy’Afrika “CAN 2019” kizabera muri Cameroon.

Aya makipe akurikirana ku rutonde ngarukakwezi rwa FIFA ruheruka kujya ahagaragara taliki ya mbere y’uku kwezi aho u Rwanda ruri ku mwanya wa 128 ku isi n’amanota 246 mu gihe Centrafrique irugwa mu ntege ku mwanya 129 n’amanota 237.

Ikipe y’u Rwanda irasa naho irusha gato ibigwi ikipe ya Centrafrique kuko yo yabashije kubona itike yo kwerekeza muri CAN 2004 yabereye muri Tunisia mu gihe ikipe ya Centrafrique itarakandagizamo ikirenge kubera ubushyamirane buhora hagati y’umutwe wa seleka na Anti Baraka budatuma iyi kipe idatera imbere uko bikwiye.

Ikipe ya Centrafrique umwanya mwiza yagize ku rutonde rwa FIFA ni umwanya wa 86 yabonye mu kwezi kwa nyakanga 2011 aha bakaba bari bakoze amateka kuko bari basimbutse imyanya 111 dore ko bahageze bavuye ku mwanya wa 202 ari nawo mubi cyane iyi kipe yagize.

Umwanya mwiza u Rwanda rwagize ni uwa 64 mu mwaka wa 2015 mu gihe umwanya mubi rwagize ari uwa 178 muri Nyakanga 1999

Aya makipe ahuriye ku kuba yose yaratwaye igikombe cy’akarere aherereyemo kuko iyi kipe ya Centrafrique yatwaye igikombe cya CEMAC cup mu mwaka wa 2009 iki gikombe gihuza amakipe y’ibihugu nka Congo Brazzaville, Chad, Equatorial Guinea, Cameroon,Gabon na Centrafrique aho bakoresha abakinnyi bakina imbere mu gihugu mu gihe u Rwanda rwatwaye CECAFA 1999.

Aho ikipe y’u Rwanda itandukaniye na Centrafrique ni uko Centrafrique ifite abakinnyi babigize umwuga benshi dore ko kuri uyu mukino bahamagaye abagera kuri 13 bakinana mu bihugu bikomeye birimo Ubufaransa n’Ububiligi.

Mu makipe akomeye ikipe ya Centrafrique yahuye nayo intsinzi ikomeye bagize niyo batsinze Algeria ibitego 2-0 mu mukino wo gushaka itike y’igikombe cy’Afurika 2012 mu gihe ikipe y’u Rwanda ikipe ikomeye batsinze mu makipe akomeye bahuye ari ikipe ya Ghana mu mwaka wa 2013 mu mikino yo gushaka itike yo kwerekeza mu gikombe cy’Afrika 2004 u Rwanda rwerekejemo.

Umutoza mukuru wa Centrafrique ni Paul Savoy ntafite amasezerano muri iyi kipe gusa ubuyobozi bw’ishyirahamwe ry’umupira w’amaguru muri CAR bwamereye kuyamuha naramuka atsinze u Rwanda kuri iki Cyumweru.

Imikino 3 iheruka gukina mu gushaka itike yo gushaka itike y’igikombe cy’Afurika yose yatsinze 2 irimo uwo batsinze 2-1 ni uwo batsinze Angola 3-1 yose yabereye kuri sitade Barthelemy Boganda igoye kuyitsindiraho uturutse hanze ibi bisaba Amavubi kwitonda dore ko ariyo bazakiniraho ku cyumweru.

Umukino umwe yatsinzwe muri iyi 3 iheruka yawutsinzwe na Repubulika iharanira Demokarasi ya Kongo ibitego 4-1.

Ku ruhande rw’u Rwanda mu mikino 3 ruheruka gukina rwaganyije na Ghana muri Ghana 1-1 rutsindirwa na Mozambike I Kigali ibitego 3-2,rutsinda ibirwa bya Maurice ibitego 5-0.

Mu minsi ishize inkuru yaturukaga I Bangui ni uko ubuyobozi bw’ishyirahamwe ry’umupira w’amaguru muri Centrafrique ryategeye miliyoni 160 z’amasefa zingana na miliyoni 200 z’amanyarwanda iyi kipe niramuka itsinze u Rwanda, aho buri mukinnyi azahabwa miliyoni 1 n’igice y’amasefa angana na miliyoni 2 z’amanyarwanda.

Uyu mukino ukazaba kuri iki cyumweru ku i saa cyenda z’I Kigali.