Rwatubyaye ashobora kugaruka muri Rayon Sports kubera ibibazo byazanywe n’ikipe yari yerekejemo
Yanditswe: Monday 28, Jan 2019
Myugariro Rwatubyaye Abdul ashobora kugaruka mu Rwanda kubera ko ikipe ya FC Shkupi yo muri Macedonia yari yamwifuje,yanze kumugura ahubwo ikamutira Rayon Sports mu gihe cy’amezi 6.
Kuwa 17 Mutararama uyu mwaka,nibwo Rwatubyaye yafashe indege yerekeza ku mugabane w’i Burayi, mu ikipe ya FC Shkupi yo muri Macedonia gukora igeragezwa,bivugwa ko yatsinze iyi kipe ikanga kumugura ahubwo ikamutira.
Ubuyobozi bwa Rayon Sports buyobowe na Muvunyi Paul,bwanze gutiza Rwatubyaye iyi kipe amezi 6 kuko bushaka amafaranga ,bituma iyi kipe yifuza kumurekura.
Amakuru agera ku Umuryango ni uko iyi kipe yo muri Macedonia yatinye guhita iha amasezerano Rwatubyaye,ihitamo gusaba Rayon Sports ko yabakinira nk’intizanyo kugeza muri Kamena uyu mwaka, ubuyobozi burabyanga ariyo mpamvu Rwatubyaye ashobora kugaruka.
Rayon Sports ikomeje gutakaza abakinnyi ubutitsa,kuko yamaze gutakaza Bimenyimana Bonfils Caleb ugiye kwerekeza muri Latvia ndetse yirukanye Jonathan Rafael da Silva wari ku rwego rwo hasi mu gutsinda ibitego.
Rwatubyaye ashobora kugaruka mu Rwanda mu minsi mike
Ibitekerezo
Da silver Jonathan ntago yigize yirukanwa.