Rutahizamu Sadio Mane yiteguye kugura ikipe ye bwite yo mu cyiciro cya kane mu Bufaransa mu rwego rwo gutegura ahazaza he nyuma y’umupira w’amaguru.

Sponsored Ad

Uyu munyabigwi wa Liverpool uri gutsinda ibitego ibumoso, iburyo no hagati mu ikipe ya Al-Nassr yo muri Saudi Arabia afatanyije na mugenzi we Cristiano Ronaldo.

Ariko, uyu mukinnyi w’imyaka 31, yiteguye gukoresha umushahara we wa 650.000 by’amapawundi buri cyumweru mu kugura ikipe ye bwite.

Nk’uko ikinyamakuru La Journal Du Centre kibitangaza, ngo uyu rutahizamu ukomoka muri Senegal yiteguye kugura ikipe ya Bourges Foot 18.

Ibiganiro bya mbere hagati ya Mane na perezida wa Bourges Foot, Cheikh Sylla bivugwa ko byabaye mu myaka ibiri ishize, ubwo iyi kipe yashingwaga.

Ubu amakuru avuga ko uyu mukinnyi watsindiye Liverpool ibitego 120 yiteguye kuzaba nyiri iyi kipe ikorera i Bourges.

Iyi kipe ya Mane iri ku mwanya wa 13 mu itsinda B rya Championnat National 2.

Ariko ibintu bishobora guhita bihinduka Mane nayigura.

Mane yamaze imyaka itandatu muri the Reds nyuma yo kuva muri Southampton muri 2016 maze atsinda ibitego 120 mu mikino 269 yakiniye Jurgen Klopp.

Yatwaye ibikombe bitandatu bikomeye hamwe niyi kipe harimo Champions League na Premier League mbere yo kwerekeza muri Bayern Munich aho bitagenze neza yigira muri Al Nassr.