Samuel Eto’o uyobora ishyirahamwe ry’umupira w’amaguru muri Cameroon,yakoranye imyitozo n’ikipe y’igihugu cye, yitegura u Busuwisi mu kanya saa 12:00’ mu gikombe cy’isi.
Iyi kipe kandi yasuwe na Patrice Motsepe,umuyobozi w’impuzamashyirahamwe y’umupira w’amaguru ku mugabane w’Afrika CAF .
Cameroon iheruka gutsinda umukino ufungura w’igikombe cy’Isi mu 1990, itsinda Argentina 1-0
Eto’o w’imyaka 41 yahoze akina umupira yatangiriye muri Kadie Sports Academy y’iwabo muri Cameroun akiri muto,asinyishwa na (...)

Sponsored Ad

Samuel Eto’o uyobora ishyirahamwe ry’umupira w’amaguru muri Cameroon,yakoranye imyitozo n’ikipe y’igihugu cye, yitegura u Busuwisi mu kanya saa 12:00’ mu gikombe cy’isi.

Iyi kipe kandi yasuwe na Patrice Motsepe,umuyobozi w’impuzamashyirahamwe y’umupira w’amaguru ku mugabane w’Afrika CAF .

Cameroon iheruka gutsinda umukino ufungura w’igikombe cy’Isi mu 1990, itsinda Argentina 1-0

Eto’o w’imyaka 41 yahoze akina umupira yatangiriye muri Kadie Sports Academy y’iwabo muri Cameroun akiri muto,asinyishwa na Real Madrid muri iyo myaka, ayikinira imikino itatu gusa ya shampiyona mu ikipe ya mbere.

Nyuma yo gutizwa muri Mallorca mu 2000 akitwara neza, iyi kipe yahise imugura maze ayitsindira ibitego 54 mu mikino 133 bimuhesha kwerekeza muri FC Barcelone mu 2004.

Muri FC Barcelona,Eto’o yatwaye ibikombe bitatu bya Shampiyona ya Espagne (La Liga), UEFA Champions League ebyiri, Copa del Rey na Super Cup za Espagne ebyiri mbere yo kwerekeza muri Inter Milan yatozwaga na José Mourinho mu 2009.

Mu Butaliyani,yatwaye Shampiyona ya Seria A, ikindi gikombe cya UEFA Champions League, Igikombe cy’Isi cy’amakipe na Coppa Italia inshuro ebyiri.

Nyuma y’aho yerekeje mu makipeatandukanye,arimo Anzhi Makhachkala yo mu Burusiya mbere yo gukina imyaka ibiri muri Chelsea na Everton, nyuma agaruka gato mu Butaliyani muri Sampdoria.

Mu 2015, yerekeje muri Turukiya, akinira Antalyaspor, aho yayitsindiye ibitego 44 mu mikino 76 mbere yo kwerekeza muri Konyaspor yavuyemo ajya muri Qatar SC yasezereyemo muri Nzeri 2019.