startimes
Kigali
startimes

Shampiyona ikomeye ku mugabane w’iburayi yagizwe imfabusa kubera COVID-19 gutanga igikombe,kumanuka no kuzamuka kw’amakipe biburizwamo

Imyidagaduro   Yanditswe na: Dusingizimana Remy 24 April 2020 Yasuwe: 3322

Abahagarariye umupira w’amaguru mu gihugu cy’Ubuholandi bafashe umwanzuro wo kugira imfabusa shampiyona yabo “Eredivisie”,umwaka wa 2019-2020 ndetse bemeza ko nta kipe igomba guhabwa igikombe ndetse nta n’igomba kuzamuka cyangwa kumanuka.


Sponsored Ad


Shampiyona ya Eredivisie yasubitswe burundu ndetse igikombe nticyatangwa aho abashinzwe umupira bavuze ko nta kipe igomba kuzamuka mu cyiciro cya mbere cyabngwa icya kabiri kubera Coronavirus.

Amakipe yari ayoboye shampiyona ariyo Ajax na AZ Alkmaar n’amanota 56, yabwiwe ko nta n’imwe ihabwa igikombe ndetse na Cambuur yari yari yizeye kuzamuka kubera amanota 11 yarusha amakipe ayikurikira igomba kuguma mu cyiciro cya kabiri.

Amakipe menshi mu Buholandi yasabwe gutora imyanzuro y’uko iyi shampiyona yagenda,16 yemeza ko nibura habaho uburyo bwo kumanura no kuzamura amakipe mu byiciro.

Amakipe 9 yatoye yamagana ibyo kuzamura amakipe cyangwa kuyamanura ahubwo asaba ko shampiyona yagirwa imfabusa buri kipe ikaguma mu cyiciro yarimo.Andi makipe 9 yatoye ko ishyirahamwe ry’umupira w’amaguru ryafata umwanzuro bakawugenderaho.

Federasiyo yahise ifata umwanzuro w’uko shampiyona igizwe imfabusa ndetse amakipe azaguma mu byiciro arimo ubwo imikino izaba isubukuwe.

Amakipe nka ADO Den Haag na RKC Waalwijk yarokotse gusubira mu kiciro cya kabiri kubera imyanzuro ya KNVB.

Abashinzwe imikino bamaganye igitekerezo cyo kwemera ko amakipe 20 akina ikiciro cya mbere umwaka utaha kubera izi ngaruka za Coronavirus.

Minisitiri w’intebe yatangaje ko Leta ihagaritse imikino kugeza muri Nzeri uyu mwaka kubera iki cyorezo cya Coronavirus gikomeje kumara abantu.

Eredivisie ibaye shampiyona ya mbere ikomeye I Burayi ibaye imfabusa mu mwaka w’imikino 2019-2019 aho kuri ubu benshi bibaza ahazaza ha za shampiyona zirimo Premier League,La Liga,Serie A,Ligue 1 na Bundesliga nazo zahagaze guhera muri Werurwe kugeza ubu.

UEFA iherutse gutangaza ko amwe mu mashampiyona ashobora kugirwa imfabusa kubera impamvu zihariye gusa yemeza ko izongera gutangiza umupira w’amaguru muri Kamena uyu mwaka hakarangizwa UEFA Champions League na Europa league.

Kuwa kabiri w’iki cyumweru,habaye inama yahuje amashyirahamwe ya ruhago 55 I Burayi baganira ku ngamba bafata kugira ngo za shampiyona n’ibikombe birangizwe uyu mwaka.

Eredivisie ikinwa n’amakipw 18 ariko yahagaritswe na Coronavirus hamaze gukinwa imikino 25 kuri 34 ikinwa.AZ na AJAX zanganya amanota 56 ku mwanya wa mbere,mu gihe iza nyuma ari Ado Den Haag yari iya 17 na 19 mu gihe iya nyuma yari RKC Waalwijk na 15.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

RBC yahishuye igihe umupira w’amaguru mu Rwanda uzemererwa gukinwa

Umuyobozi w’ikigo cy’igihugu cy’ubuzima,RBC,Dr.Sabin Nsanzimana,yatangaje ko...
10 August 2020 Yasuwe: 1368 0

FC Barcelona yihimuye kuri Arthur wanze kuyikinira iri mu bibazo

Ubuyobozi bwa FC Barcelona bwihimuye ku wari umukinnyi wayo Arthur Melo...
10 August 2020 Yasuwe: 1061 0

Umuvugizi w’ikipe ya Rayon Sports yahishuye impamvu nyamukuru yatumye...

Nkurunziza Jean Paul, umuvugizi wa Rayon Sports, yavuze ko impamvu...
10 August 2020 Yasuwe: 2043 0

Arsenal yigiriye inama ikomeye yo kwikiza Mesut Ozil uhembwa...

Ikipe ya Arsenal imaze igihe ihangana n’umushahara w’ibihumbi 350...
9 August 2020 Yasuwe: 2745 0

Willian yasezeye muri Chelsea afungura amarembo amwerekeza muri...

Willian, umukinnyi ukina ku ruhande ukomoka muri Brazil, yemeje ko avuye...
9 August 2020 Yasuwe: 1734 0

Karekezi Olivier wari utegerejwe cyane n’abakunzi ba Kiyovu Sports yageze mu...

Umutoza mushya wa Kiyovu Sports Olivier Karekezi yageze mu Rwanda kuri iki...
9 August 2020 Yasuwe: 1882 0