Kuri uyu wa gatanu tariki ya 16 Ukuboza 2016, shampiyona y’ikiciro cya mbere hano mu Rwanda irabakomeza, Mukura Victory Sport yakira Rayon Sports bakinire kuri Stade ya Huye saa 15:30.
Ni umukino w’umunsi wa cyenda. Nubwo aya makipe imwe iri kumwanya wa mbere indi ikaba iri ku mwanya wa 11, ntibikuraho ko ari umukino ukomeye ndetse w’amateka kuko aya makipe yombi akomoka mu ntara y’Amagepfo. Nubwo Rayon Sports yibera mu mujyi wa Kigali, aya makipe iyo yahuye usanga buri kipe iba yiteguye (...)

Sponsored Ad

Kuri uyu wa gatanu tariki ya 16 Ukuboza 2016, shampiyona y’ikiciro cya mbere hano mu Rwanda irabakomeza, Mukura Victory Sport yakira Rayon Sports bakinire kuri Stade ya Huye saa 15:30.

Ni umukino w’umunsi wa cyenda. Nubwo aya makipe imwe iri kumwanya wa mbere indi ikaba iri ku mwanya wa 11, ntibikuraho ko ari umukino ukomeye ndetse w’amateka kuko aya makipe yombi akomoka mu ntara y’Amagepfo. Nubwo Rayon Sports yibera mu mujyi wa Kigali, aya makipe iyo yahuye usanga buri kipe iba yiteguye neza umukino, kuko iba idashaka gutsindwa na mukeba.

Uyu mukino n’ubwo ikipe ya Mukura iri ku mwanya wa 11, naho Rayon Sports ikaba ku mwanya wa mbere, abakinnyi ba Mukura baravuga ko biteguye neza uyu mukino bagomba kuwutsinda dore ko banashyiriweho agahimbazamusyi ka miliyoni, ku ruhande rwa Rayon Sports rwo ntibufuza gukora ikosa iryo ariryo ryose ngo batakaze uyu mukino kuko bashaka gukomeza kwandika amateka yo kumara imikino myinshi badatsindwa dore ko ibaye 8 muri shampiyona.

Imikino 2 ya shampiyona aya makipe yahuyemo, ikipe ya Rayon Sports yarayitsinze, kandi n’ubu niyo ihabwa amahirwe yo kuba yawutsinda bitewe n’uburyo imaze iminsi yitwara.