Sir Alex Ferguson yavuze umutoza yifuza ko yatoza ikipe ya Manchester United
Yanditswe: Monday 25, Feb 2019
Umunyabigwi Sir Alex Ferguson watoje Manchester United akayihesha ibikombe 13 bya Premier League,yasabye ubuyobozi bw’iyi kipe guha akazi umutoza Ole Gunnar Solskjaer uri kuyitoza by’agateganyo.
Sir Alex Ferguson washimye akazi uyu munya Norway amaze gukorera Manchester United, yasabye ubuyobozi bwa Manchester United ko bwamuha akazi ka burundu kuko afite ubuhanga buhambaye.
Nyuma yo kwirukanwa kwa Jose Mourinho muri Manchester United mu kwezi k’Ukuboza,iyi kipe yahaye akazi by’agateganyo Ole Gunnar Solskjaer ahindura byinshi birimo gutsinda imikino 11 muri 13 adatsindwa.
Uyu mutoza wahagaritse amakipe akomeye nyuma yo kugenda kwa Mourinho,yakoze ku mutima Sir Alex Ferguson bituma yifuza ko yahabwa akazi ka burundu akageza iyi kipe kuri byinshi.
Ferguson yishimiye uyu mugabo yahoze atoza bituma amusabira ko yahabwa akazi nkuko ikinyamakuru The Mirror kibitangaza.
Sir Alex Ferguson yasabiye akazi Solskjaer
Leave a Reply
Your email address will not be published. Required fields are marked *