skol
Kigali
startimes

Sugira Ernest ashobora kwerekeza muri Maroc nyuma yo kudahabwa amafaranga na Rayon Sports

Imyidagaduro   Yanditswe na: Dusingizimana Remy 11 August 2020 Yasuwe: 1749

Rutahizamu w’ikipe y’igihugu Amavubi,Sugira Ernest ashobora kwerekeza mu gihugu cya Maroc mu ikipe ya Difaa El Jadida mu minsi mike iri imbere nyuma yo gutegereza miliyoni 6 FRW za Rayon Sports agaheba.


Uyu mukinnyi byavugwaga ko yasinyiye Rayon Sports amasezerano y’imyaka 2,ntiyigeze ahabwa miliyoni 6 FRW zo kumugura ariyo mpamvu kuri ubu ari umukinnyi wigenga ndetse ari kuvugana n’amakipe atandukanye.

Sugira Ernest yabwiye ikinyamakuru The New Times ko ari mu biganiro n’amakipe atandukanye muri Maroc arimo n’iyi Difaa El Jadida.

Uyu mukinnyi w’imyaka 29 yari amaze amezi 6 mu ikipe ya Rayon Sports nk’intizanyo nyuma yo kuva muri APR FC ashwanye n’umutoza wayo Adil Mohamed.

Aganira na The New Times ku munsi w’ejo,Sugira yagize ati “Naganiriye na Rayon Sports ariko ibiganiro ntibyagenze neza.Ubu ndi kuvugana n’amakipe atandukanye arim na Difaa El Jadida.Naboherereje amashusho yanjye,ntegereje igisubizo.”

Mu mpera z’ukwezi gushize nibwo byavuzwe ko Sugira yamaze gusinyira Rayon Sports amasezerano y’umwaka umwe ushobora kongerwa hasigaye ko APR FC imuha ibaruwa imurekura (release letter).

Sugira yamenyekanye cyane mu 2012 akinira AS Muhanga mbere y’uko ajya muri APR FC hagati ya 2013 na 2014.

Yakiniye AS Kigali hagati ya 2015 na 2016 ndetse na AS Vita Club yo muri Repubulika Iharanira Demokarasi ya Congo.

Muri Nyakanga 2017 nibwo Sugira Ernest yasubiye muri APR FC ariko avunikira mu Ikipe y’Igihugu ‘Amavubi’ nyuma y’ukwezi kumwe. Yamaze hafi umwaka wose adakina, agaruka mu kibuga neza hagati mu mwaka w’imikino wa 2018/19.

Kutumvikana n’umutoza Adil Mohamed Erradi biri mu byatumye Sugira Ernest atizwa Rayon Sports mu Ukuboza 2019, nyuma yo kumara amezi abiri yaroherejwe gukorera imyitozo mu ikipe y’abato, Intare FC.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Diamond Platnumz yakoze benshi ku mutima kubera ibyo yakoreye...

Umuhanzi ukomeye muri Afurika Nasibu Abdoul Juma benshi uzwi nka Diamond...
29 November 2020 Yasuwe: 1330 0

Umukunzi wa Cristiano Ronaldo yasajije abakunzi be kubera ibyo yakoreye...

Umukunzi wa Cristiano Ronaldo,Georgina Rodriguez,yongeye gusaza abakunzi be...
29 November 2020 Yasuwe: 2358 0

Abakinnyi ba Bournemouth barakariye shebuja kubera ibyo yakoreye umugore...

Abakinnyi b’ikipe ya Bournemouth yo mu cyiciro cya kabiri mu Bwongereza...
29 November 2020 Yasuwe: 1741 0

Zinedine Zidane yahaye abanyamakuru igisubizo gitangaje nyuma yo gutsindwa...

Umutoza wa Real Madrid,Zinedine Zidane,utari kwitwara neza muri uyu mwaka...
29 November 2020 Yasuwe: 1555 0

APR FC yatanze icyizere cyo gusezerera Gor Mahia muri CAF Champions...

Ikipe ya APR FC yatsinze Gor Mahia mu mukino ubanza w’ijonjora rya mbere rya...
28 November 2020 Yasuwe: 1945 0

Umusifuzi Ali Bin Nasser wo muri Tunisia yishimiye ko yafashije Maradona...

Umusifuzi wo muri Tunisia wasifuye umukino Ubwongereza butazibagirwa...
28 November 2020 Yasuwe: 1679 0