skol
Kigali
startimes

Sugira Ernest yatangaje uko yakiriye kongera gutizwa mu ikipe ya Rayon Sports

Imyidagaduro   Yanditswe na: Dusingizimana Remy 9 October 2020 Yasuwe: 2306

Rutahizamu Sugira Ernest wongeye gutizwa mu ikipe ya Rayon Sports yatangaje ko yishimiye kuba avuye mu maboko meza ya APR FC akongera kujya mu yandi ya Rayon Sports yanakiniye mu mwaka w’imikino ushize.


Mu ibaruwa yashyizweho umukono n’umuyobozi w’ikipe ya APR FC,Maj Gen Mubarakah Muganga, iyi kipe yatangaje ku munsi w’ejo ko bemeye ubusabe bw’ubuyobozi bw’inzibacyuho bwa Rayon Sports FC, bwo kongera kubatiza rutahizamu Sugira Ernest mu gihe cy’umwaka.

APR FC yagize iti “Dushingiye ku ibaruwa mwatwandikiye tariki ya 03/10/2020 mudutira abakinnyi, twishimiye kubamenyesha ko nkuko mwabidusabye tubatije Sugira Ernest muri uyu mwaka w’imikino wa 2020-2021, ni ukuvuga kugeza tariki ya 04/07/2021 kugira ngo anarusheho kuzamura impano ye y’umupira w’amaguru.

Nanone nkuko bisanzwe, duhaye uburenganzira impande zombi kuganira ibirebana n’ibyifuzo by’umukinnyi utijwe hagamijwe ko akora yishimye. Aramutse agurishijwe mbere y’igihe yatijwe kitararangira, ku giciro cyatanzwe twumvikanye ko mwahabwa 50% natwe tugasigarana 50% y’ibyaba byamutanzweho.”

Uyu mukinnyi akimara kumenya aya makuru, yagaragaje ko yishimiye kongera gukinira ikipe ya Rayon Sports yagiriyemo ibihe byiza mu mwaka w’imikino ushize mbere y’uko Covid-19 ihagarika imikino.

Yagize ati “Mvuye mu maboko meza ngiye mu yandi meza ,ni step nziza yo kwishimira muri carriere yange y’umupira w’amaguru.Season 2020–2021 nd’umukinnyi wa RAYON SPORT kandi nishimiye kongera gukorana namwe .”

Mu mezi 2 n’igice Sugira Ernest yakiniye Rayon Sports nk’intizanyo, mu marushanwa yose yakinnye imikino 7 ayitsindira 5.

Sugira yamenyekanye cyane mu 2012 akinira AS Muhanga mbere y’uko ajya muri APR FC hagati ya 2013 na 2014.

Yakiniye AS Kigali hagati ya 2015 na 2016 ndetse na AS Vita Club yo muri Repubulika Iharanira Demokarasi ya Congo.

Muri Nyakanga 2017 nibwo Sugira Ernest yasubiye muri APR FC ariko avunikira mu Ikipe y’Igihugu ‘Amavubi’ nyuma y’ukwezi kumwe. Yamaze hafi umwaka wose adakina, agaruka mu kibuga neza hagati mu mwaka w’imikino wa 2018/19.

Kutumvikana n’umutoza Adil Mohamed Erradi biri mu byatumye Sugira Ernest atizwa Rayon Sports mu Ukuboza 2019, nyuma yo kumara amezi abiri yaroherejwe gukorera imyitozo mu ikipe y’abato, Intare FC.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ahmad Ahmad wayoboraga CAF yahagaritswe imyaka 5 kubera ibyaha bikomeye...

Impuzamashyirahamwe y’umupira w’amaguru ku isi FIFA yafatiye ibihano byo...
23 November 2020 Yasuwe: 997 0

Anele Ngcongca wakiniye ikipe y’igihugu y’Afurika y’epfo yahitanwe...

Uwari myugariro wa Mamelodi Sundowns n’ikipe y’igihugu y’Afurika y’Epfo...
23 November 2020 Yasuwe: 935 0

Mugisha Moise yegukanye Grand Prix Chantal Biya 2020

Umunyarwanda Mugisha Moïse yegukanye isiganwa ryiswe Grand PrixChantal Biya...
22 November 2020 Yasuwe: 1948 0

Cristiano Ronaldo ari mu biganiro byimbitse n’ikipe yahozemo ngo...

Ibinyamakuru bitandukanye ku mugabane w’I Burayi bikomeje gutangaza ko...
22 November 2020 Yasuwe: 4833 0

Gorilla FC yatwaye igikombe cya shampiyona y’icyiciro cya kabiri...

Mu mukino wa nyuma wabaye kuri uyu wa Gatandatu tariki 21 Ugushyingo 2020...
22 November 2020 Yasuwe: 1224 0

Mugisha Moise yegukanye agace ka Kane ka GP Chantal Biya bimuhesha amahirwe...

Ku munsi wa 4 w’isiganwa rya Grand Prix Chantal Biya riri kubera muri...
21 November 2020 Yasuwe: 2300 0