Umutoza Erik Ten Hag ntaraha umwanya ubanza umukinnyi mushya wa Manchester United, Casemiro waguzwe akayabo ka miliyoni zikabakaba 70 z’amapawundi kubera ko ngo atashakaga guhindura ikipe itsinda.
Uyu mukinnyi ukomoka muri Brazil amaze amezi abiri ageze kuri Old Trafford ariko ntarabanza mu kibuga na rimwe muri shampiyona.
Ku cyumweru, uyu mukinnyi wo hagati w’imyaka 30 yinjiye mu kibuga habura iminota 30 ngo umukino urangire,ariko ntacyo yari gukora kugira ngo abuze Manchester City (...)

Sponsored Ad

Umutoza Erik Ten Hag ntaraha umwanya ubanza umukinnyi mushya wa Manchester United, Casemiro waguzwe akayabo ka miliyoni zikabakaba 70 z’amapawundi kubera ko ngo atashakaga guhindura ikipe itsinda.

Uyu mukinnyi ukomoka muri Brazil amaze amezi abiri ageze kuri Old Trafford ariko ntarabanza mu kibuga na rimwe muri shampiyona.

Ku cyumweru, uyu mukinnyi wo hagati w’imyaka 30 yinjiye mu kibuga habura iminota 30 ngo umukino urangire,ariko ntacyo yari gukora kugira ngo abuze Manchester City kubatsinda ibitego 6-3.

Casemiro yasimbuye Scott McTominay ukomoka muri Scotland gusa arahabwa amahirwe menshi yo kumusimbuza hagati mu mukino na Everton ku cyumweru.

Uyu munya Brazil yabanje mu kibuga mu mukino wa Europa League United yatsindiwe mu rugo na Real Sociedad mu kwezi gushize gusa ashobora kuzagaragara mu wundi mukino wo mu itsinda E bazahuramo na Omonia Nicosia ku wa kane.

Ariko kunanirwa kumukoresha mu mikino yatsinzemo Southampton, Leicester na Arsenal byatumye hagati ha United horoha cyane kuri Etihad.

Ten Ten Hag avuga ko imikino ine aheruka gutsinda yikurikiranya yatumye abura uko akoresha uyu mukinnyi we wo ku rwego rw’isi.

Yagize ati: "Umunsi twamusinyishije, twatangiye gutsinda kandi byose n’ikipe.

Ikipe irakina neza rwose, ntabwo ndwanya Casemiro, ahubwo Scott McTominay, yitwaye neza mu ikipe turatsinda.

Ariko nzi neza ko bizaba ari ingenzi kuri twe mu gihe kirekire cyangwa gito, azisanga mu ikipe ya mbere ariko bigomba kuba mu buryo busanzwe."

Casemiro yatangiye mu kibuga mu mukino wo kuwa 23 Nzeri Brazil itsinda Ghana ndetse n’uwo yatsinze Tuniziya ibitego 5-1 nyuma y’iminsi ine.