Umutoza wa Chelsea,Thomas Tuchel,yaraye ahuye n’umukoresha we mukuru,Roman Abramovich,usanzwe ari nyiri iyi kipe mu muhango wo kwishimira igikombe cya UEFA Champions League batwaye amwizeza ko afite inyota yo gutwara ibikombe byinshi.

Sponsored Ad

Thomas Tuchel yahishuye ko ari hafi gusinya amasezerano mashya muri Chelsea ndetse ko yasezeranyije nyiri ikipe Roman Abramovich ko agiye gutwara ibikombe byinshi,kuko ngo afite inzara.

Chelsea yaraye itwaye igikombe cya UEFA Champions League ku nshuro yayo ya kabiri,itsinze igitego 1-0 Manchester City ku mukino wa nyuma waraye ubereye muri Portugal.

Nyiri ikipe ya Chelsea,Abramovich yari ku kibuga cya Estadio do Dragao areba uko ikipe ye ywataye iyi Champions League ndetse yaje kumanuka mu kibuga yishimana n’abakinnyi.

Iyi niyo nshuro ya mbere uyu muherwe yari ahuye na Tuchel kuva yahabwa akazi ko gusimbura Frank Lampard mu mpera z’ukwezi kwa mbere.

Tuchel yabwiye uyu muherwe wa Chelsea ati “Ntabwo mbizi niba nkwiriye kuvuga ibi,ntabwo mbizi 100% ariko birashoboka ko mfite gusinya amasezerano mashya kubera iyi ntsinzi.Umukoresha wanjye yambwiye ikintu ariko simbizi gusa ndaza kureba neza.

Intego yanjye n’ugukomeza gushaka intsinzi nyinshi,ndifuza kwaguka nk’umutoza ,intego yanjye n’ugukomeza gusubika iyi kipe kuva ku munsi wa mbere w’umwaka utaha kugeza ku mpera.”