Ku kibuga Juventus Arena mu Butaliyani niho abakunzi ba ruhago bahanze amaso aho harabera umukino ubanza wa ¼ cya UEFA Champions League urahuza amakipe yageze ku mukino wa nyuma w’umwaka ushize bikarangira Real Madrid inyagiye Juventus irayakira ibitego 4-1. Cristiano Ronaldo uhagaze neza mu mikino ya UCL uyu mwaka
Iki n’igihe cyiza Juventus ibonye rwo komora uruguma ifite dore ko rutaruma kubera ko yatsinzwe mu mwaka ushize none yongeye guhura na Real Madrid mu mwaka ukurikiyeho.
Uyu (...)

Sponsored Ad

Ku kibuga Juventus Arena mu Butaliyani niho abakunzi ba ruhago bahanze amaso aho harabera umukino ubanza wa ¼ cya UEFA Champions League urahuza amakipe yageze ku mukino wa nyuma w’umwaka ushize bikarangira Real Madrid inyagiye Juventus irayakira ibitego 4-1.

Cristiano Ronaldo uhagaze neza mu mikino ya UCL uyu mwaka

Iki n’igihe cyiza Juventus ibonye rwo komora uruguma ifite dore ko rutaruma kubera ko yatsinzwe mu mwaka ushize none yongeye guhura na Real Madrid mu mwaka ukurikiyeho.

Uyu mukino twafata nk’uwo kwihorera no kwigarurira icyubahiro kuri iyi kipe y’ikigugu mu Butaliyani no ku isi yose,uje nta kipe yatakaje abakinnyi bayo kuko bose barabagumanye ndetse Real Madrid yitwaye nabi uyu mwaka ugereranyije n’uyu mukecuru ushaje ukomeje gufata mpiri igihugu cy’Ubutaliyani.

Real Madrid yatwaye igikombe cya UCL ubushize inyagiye Juve ibitego 4-1

Nubwo inzika n’ikiniga aribyo byasigaye mu mitima y’abakinnyi n’abafana ba Juventus nyuma y’umukino wa myuma wabaye umwaka ushize ukabera mu mugi wa Cardiff,iyi kipe ifite akazi katoroshye ko guhagarika Real Madrid ifite agahigo keza mu mikino ya UEFA Champions League ndetse ifite kizigenza Cristiano umaze gutsinda ibitego 12 mu mikino y’uyu mwaka.

Massimiliano Allegri utoza Juventus yatangaje ko kuri ubu bakoze imyitozo ihagije yo kwihaniza Real Madrid ndetse yemeza ko gutsindwa kwabo ubushize,ari uko abakinnyi be batagumye mu mukino mu gice cya kabiri nubwo bari barangije igice cya mbere ari 1-1.

Allegri yavuze ko ikipe ye yakuze ndetse yamenye uko igomba kubyitwaramo igihe iri mu mu mazi abira kugira ngo idatsindwa ibitego byinshi.

Zinedine Zidane yavuze ko ikipe ye yiteguye neza kandi yifuza kwitwara neza muri uyu mukino ubanza urabera mu Butaliyani.

Ikipe ya Juventus iraza gukina idafite abakinnyi bayo bakomeye barimo Benatia na Pjanić bafite amakarita y’umuhondo mu gihe Bernardeschi afite imvune.Abasore 2 Alex Sandro na Mandzukic bo bashobora kutitabazwa kubera imvune.

Mu mikino 19 aya makipe amaze guhura muri iri rushanwa,ikipe ya Real Madrid imaze gutsinda ibitego 9,Juventus itsinda 8,banganya imikino 2 ndetse amakipe yose yinjije ibitego 22.

Imikino 2 y’uyu munsi iratangira saa 20:45 aho uyu mukino urabera mu Butaliyani urasifurwa na Cüneyt Çakır ukomoka muri Turkiya.

Mu wundi mukino wa ¼ utegerejwe uyu munsi,ikipe ya Bayern Munich iraura Sevilla ku kibuga Ramon Sanchez Pizjuan.

Abakinnyi bashobora kubanza mu kibuga mu mikino y’uyu munsi:
Juventus: Buffon; De Sciglio, Barzagli, Chiellini, Asamoah; Khedira, Bentancur, Matuidi; Dybala, Higuaín, Douglas Costa.

Real Madrid: Navas; Carvajal, Ramos, Varane, Marcelo; Casemiro, Kroos, Modrić, Isco; Ronaldo, Benzema

Sevilla: Rico; Navas, Kjær, Lenglet, Escudero; Pizarro, N’Zonzi; Sarabia, Vázquez, Correa; Ben Yedder.

Bayern Munichen: Ulreich; Kimmich, Boateng, Hummels, Alaba; James, Javi Martínez/Thiago, Müller; Robben, Lewandowski, Ribéry