Ikipe ya Tottenham niyo iri kuvugwa cyane mu bitangazamakuru byo ku mugabane w’I Burayi aho yahagamye igihangange Juventus cyari imbere y’abafana bayo banganya ibitego 2-2 mu mikino ya UEFA Champions League, mu gihe Manchester City ikomeje gutanga isomo rya ruhago nyuma yo kunyagira FC Basel ibitego 4-0.
Muri iyi mikino ibanza ya 1/8 cya UEFA Champions League,ikipe ya Juventus iheruka ku mukino wa nyuma mu mwaka w’imikino ushizeikanyagirwa na Real Madrid ibitego 4-0,yari yitezwe ko iratsinda (...)

Sponsored Ad

Ikipe ya Tottenham niyo iri kuvugwa cyane mu bitangazamakuru byo ku mugabane w’I Burayi aho yahagamye igihangange Juventus cyari imbere y’abafana bayo banganya ibitego 2-2 mu mikino ya UEFA Champions League, mu gihe Manchester City ikomeje gutanga isomo rya ruhago nyuma yo kunyagira FC Basel ibitego 4-0.

Muri iyi mikino ibanza ya 1/8 cya UEFA Champions League,ikipe ya Juventus iheruka ku mukino wa nyuma mu mwaka w’imikino ushizeikanyagirwa na Real Madrid ibitego 4-0,yari yitezwe ko iratsinda byoroshye uyu mukino imbere y’abafana bayo ariko siko byagenze kuko Tottenham ifite abakinnyi bakomeye yayihagamye bakanganya ibitego 2-2.

Juventus yafunguye amazamu ku munota wa 2 w’umukino gitsinzwe na Gonzalo Huguain ndetse ntiyatinda kongeramo igitego cya kabiri, kuko ku munota wa 9 Juventus yahawe penaliti nyuma y’ikosa ryakorewe Bernardeschi,maze Gonzalo Huguain ayitera neza biba bibaye ibitego 2-0.

Kuva kuri uyu munota wa 9 kugeza umukino urangiye,ikipe ya Juventus ntiyongeye gukina kuko Tottenham yayisatiriye cyane ndetse irayirusha bigaragara aho ku munota wa 35 rutahizamu Harry Kane yahawe umupira mwiza acenga umunyezamu Buffon ashyiramo igitego cya mbere.

Nyuma yo kurushwa cyane,Juventus yaje kuzamukana umupira ku munota wa 45 maze Douglas Costa wihutaga cyane ategerwa mu rubuga rw’amahina na Serge Aurier maze umusifuzi aha penaliti ya kabiri Gonzalo Huguain waje kuyihusha.

Tottenham yatangiye igice cya kabiri iri ku rwego rwo hejuru ndetse igenda igerageza guhana cyane umupira, byatumye ku munota wa 71 ibona Coup Franc nyuma y’ikosa Chiellini yakoreye Dale Alli maze Eriksen ayitera neza Buffon ntiyabasha kuwukuramo, ibitego biba bibaye 2-2 ndetse umukino urangira utyo.

Mu wundi mukino wabaye mu ijoro ryo kuri uyu wa kabiri,Ikipe ya Manchester City yanyagiriye FC Basel ku kibuga cyayo ibitego 4-0 byatsinzwe na Ilkay Gundogan watsinze 2,Bernardo Silva na Sergio Aguero.

Imikino yo kwishyura iteganyijwe ku I taliki ya 07 Werurwe 2018 aho amakipe azakomeza azategereza tombola ya ¼.