skol
Kigali
startimes

Umukinnyi Niyonzima Olivier Sefu yamaze gushyira hanze igihe azakorera ubukwe

Imyidagaduro   Yanditswe na: Dusingizimana Remy 3 August 2020 Yasuwe: 2804

Umukinnyi wa APR FC,Niyonzima Olivier uzwi ku izina rya Seif yamaze gutangaza ko tariki ya 06 Nzeri 2020 aribwo azarushinga n’umukunzi we Mushambokazi Belyse yatereye ivi.


Kuwa 08 Werurwe 2020, nibwo Niyonzima Olivier Seif yateye ivi asaba Mushambokazi Belyse ko yazamubera umugore, undi nawe ahita abimwemerera atazuyaje.
.
Kuri uyu munsi, nibwo Seif na Belyse bashyize hanze ubutumire bugaragaza umunsi nyiriza w’ubukwe bwabo.

Ubu butumire bwagaragaje ko ubukwe bwaba bombi bugomba kuba kuwa 06 Nzeri 2020.

Seif yakundanye na Mushambokazi nyuma yo gutandukana n’uwahoze ari umukunzi we ndetse banabyaranye umwana umwe w’umuhungu, Nishimwe Donatha.

Muri Werurwe 2020,Niyonzima yabwiye ikinyamakuru IGIHE ko akunda Mushambokazi kubera ko amwubaha akubaha n’akazi ke ndetse akamuba hafi.

Uyu mukinnyi yavuze ko nyuma y’umwaka umwe n’igice yari amaze akundana na Mushambokazi,yamubonyeho imico myiza ahitamo ko bazarushinga.

Yagize ati “Ni ibintu umuntu apanga, cyane ko imyaka iba iri kugenda twarabyumvikanye tubona ni ngombwa biba ngombwa ko tubigenza kuriya.”

Niyonzima Olivier Sefu, wakuriye mu ishuri ryigisha umupira “Isonga”, akinira ikipe ya APR FC yagezemo nyuma yo kuva muri Rayon Sports muri 2019 arangije amasezerano akanga kongera andi.

Sefu yageze muri Rayon sports hagati mu mwaka wa 2015 asinya amasezerano y’imyaka ibiri.

Mu myaka ibiri ye ya mbere muri Gikundiro Sefu yakoze ibishoboka byose afatanya na bagenzi be gutwara igikombe cy’Amahoro 2016 banatwara igikombe cya shampiyona 2016-2017. Mu 2017 na 2018 Sefu yafashije Rayon Sports kwegukana ibikombe bibiri by’Agaciro Development Fund.

Niyonzima Olivier kandi yafatanyije na Rayon Sports kugera mu mikino ya ¼ cya Total CAF Confederation Cup 2018 baza gukurwamo na Enyimba SC yo muri Nigeria.

Niyonzima Olivier yegukanye igikombe cy’Intwari 2020 n’igikombe cya shampiyona muri APR FC.Niyonzima n’umukinnyi w’ikipe y’igihugu “Amavubi”.




Ibirori bya Seif biratashye

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Cristiano Ronaldo na Messi ntibabonetse mu bakinnyi 3 bagomba gutoranywamo...

Abakinnyi 3 barimo Robert Lewandowski, Manuel Neuer na De Bruyne nibo...
23 September 2020 Yasuwe: 1298 0

Thiago Alcantara yanze gukora umuhango umenyerewe muri Liverpool kubera...

Umukinnyi mushya wa Liverpool, Thiago Alcantara,yanze gukora umuhango wo...
23 September 2020 Yasuwe: 2158 0

KNC watangaje ko agiye guhanganira ibikombe na APR FC yavuze akayabo...

Umuyobozi w’ikipe ya Gasogi United,Kakoza Nkuriza Charles yatangaje ko uyu...
23 September 2020 Yasuwe: 1843 0

FC Barcelona yagurishije Luis Suarez mu ikipe iyigora cyane

Ikipe ya Barcelona yemeye kureka rutahizamu Luis Suarez akerekeza mu ikipe...
23 September 2020 Yasuwe: 1706 0

Mose yambukije abisirayeli inyanja itukura ariko ntiyageze mu gihugu...

Uwari umuyobozi w’ikipe ya Rayon Sports Munyakazi Sadate,wakuweho uyu munsi,...
22 September 2020 Yasuwe: 2807 0

Frank Lampard yahishuye ko umunyezamu usimbura Kepa yakoze ikizamini...

Umutoza wa Chelsea,Frank Lampard yahumurije abakunzi b’iyi kipe atangaza ko...
22 September 2020 Yasuwe: 1104 0