skol
Kigali
startimes

Umukinnyi ukomeye mu iteramakofe yari agiye guhagarikwa imyaka 4 azira gukorana imibonano mpuzabitsina n’umugabo wanyoye imiti itemewe

Imyidagaduro   Yanditswe na: Dusingizimana Remy 12 June 2020 Yasuwe: 4323

Umunyamerikakazi witwa Virginia Fuchs w’imyaka 32 ukina iteramakofe yahuye n’uruva gusenya ubwo bamupimaga bakamusangana imiti itemewe mu mikino nyuma y’igihe gito ateye akabariro n’umukunzi we uyifata.


Ubwo uyu mugore yiteguraga kujya gusuzumwa,yasuye umukunzi we batera akabariro arangije amusiga iyi miti mu mubiri we bagiye kumusuzuma barayimusangana.

Uyu mugore yahise abwirwa na komisiyo ishinzwe kurwanya ibiyobyabwenge mu bakinnyi b’Abanyamerika ko agomba guhagarikwa imyaka 4 kubera gukoresha ibiyobyabwenge.

Kuwa 13 Gashyantare 2020 nibwo Fuchs yafashwe ibizamini ngo barebe niba adakoresha imiti itemewe bamusanga afata iyitwa etrozole metabolite na GW1516 ariko ngo ntiyigeze ayifata ahubwo yayishyizwe mu mubiri n’umukunzi we bari bamaze amasaha make bateye akabariro.

Uyu mukobwa yasobanuriye iyi Komisiyo ko atanywa iyi miti ahubwo ko bishoboka ko yayishyizwe mu mubiri n’umukunzi we uyifata birangira ababariwe.

Komisiyo ishinzwe kurwanya ibiyobyabwenge mu bakinnyi ba Amerika USADA yasohoye itangazo rigira riti “ibiyobyabwenge bike bya letrozole metabolite na GW1516 yasanganwe byaturutse ku byasigaye mu mubiri we ubwo yari amaze gukora imibonano mpuzabitsina.

Turizera ko ikibazo cye [Fuchs] n’ibindi bimeze nkacyo birimo nko kurya inyama zanduye… bitafatwa nko kwica amabwiriza abuza abakinnyi kunywa ibiyobyabwenge.”

Fuchs ahanze amaso imikino Olimpike iteganyijwe umwaka utaha mu mujyi wa Tokyo ndetse ngo ibyamubayeho byamusigiye isomo rikomeye.

Gukoresha ibi biyobyabwenge bihanishwa kumara imyaka 4 udakina umukino n’umwe muri siporo zose zemewe n’ikigo cya WADA gishinzwe kurwanya ikoreshwa ry’ibiyobyabwenge mu bakinnyi ku isi yose.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Mose yambukije abisirayeli inyanja itukura ariko ntiyageze mu gihugu...

Uwari umuyobozi w’ikipe ya Rayon Sports Munyakazi Sadate,wakuweho uyu munsi,...
22 September 2020 Yasuwe: 2604 0

Frank Lampard yahishuye ko umunyezamu usimbura Kepa yakoze ikizamini...

Umutoza wa Chelsea,Frank Lampard yahumurije abakunzi b’iyi kipe atangaza ko...
22 September 2020 Yasuwe: 1043 0

Imyanzuro yafashwe na RGB nyuma y’isesengura ku bibazo bya Rayon...

Kuri uyu wa Kabiri tariki ya 22 Nzeri 2020,nibwo Minisiteri ya Siporo...
22 September 2020 Yasuwe: 2126 0

Munyakazi Sadate na Komite ye yose bakuweho nyuma y’ibibazo bikomeye byari...

Komite ya Rayon Sports yari iyobowe na Munyakazi Sadate yegujwe n’inama...
22 September 2020 Yasuwe: 4311 3

Ivan Rakitic yahishuye uko Messi na Suarez batari inshuti ze

Umukinnyi wo hagati Ivan Rakitic wari umaze imyaka 6 mu ikipe ya FC...
22 September 2020 Yasuwe: 1556 0

Rayon Sports yasinyishije Ghislain Armel warangaranwe na Kiyovu...

Rutahizamu Armel Ghislain wakiniraga ikipe ya Kiyovu Sports yamaze gusinya...
21 September 2020 Yasuwe: 1910 0