Kigali

Umukinnyi ukomeye muri PSG agiye gusura u Rwanda

Imyidagaduro   Yanditswe na: Dusingizimana Remy 4 March 2020 Yasuwe: 1825

Umwe mu bakinnyi bakomeye ba PSG azasura u Rwanda muri Kamena uyu mwaka nkuko byatangajwe n’ushinzwe ubukerarugendo muri RDB, Kaliza Belyse mu kiganiro n’abanyamakuru.



Ubwo yari mu kiganiro n’abanyamakuru ari kumwe na Youri Djorkaeff, Kaliza Belyse ushinzwe ubukerarugendo mu kigo cy’igihugu gishyinzwe iterambere RDB, yavuze ko mu kwezi kwa 6 uyu mwaka, u Rwanda ruzakira umukinnyi wa mbere ukina mu ikipe ya mbere ya PSG.

Yagize ati“Nyuma ya Djorkaeff tuzakira umukinnyi wo mu ikipe ya mbere ya PSG mu kwezi kwa 6, akaba nawe azaza gusura igihugu cyacu.

Belise Kaliza abajijwe uwo ariwe yagize ati “Iyo tuvuze ngo umukinnyi wo mu ikipe ya mbere muri PSG, bose tubafata kimwe. Wenda harimo abo abafana bakunda cyane, nibo tugerageza kuzana bwa mbere, ariko nk’uko mubizi hari ibintu byinshi bigenderwaho kugira ngo haboneke uza, bitewe n’uhari, uko ahagaze n’ibindi.



Mutwihanganire, tuzababwira uzaza, turacyabinoza ariko nk’uko nabivuze ni muri uyu mwaka vuba cyane, mu kwezi kumwe cyangwa abiri araba yageze mu Rwanda.”

Umunyabigwi w’ikipe ya PSG, Youri Djorkaeff wasozaga uruzinduko rwe rw’iminsi 4 yagiriye mu Rwanda, yavuze ko yishimiye gutemberera hirya no hino.

Djorkaeff w’imyaka 51, yatembereye ibice binyuranye by’igihugu birimo Pariki y’Igihugu y’Akagera n’iy’Ibirunga, areba imisozi n’ibindi byiza bitatse u Rwanda birimo n’ibiyaga.



Yasuye kandi Ikigo Nyafurika kigamije guteza imbere umukino w’Amagare cyubatse mu Murenge wa Nyange mu Karere ka Musanze.

Djorkaeff yakinnye umupira w’amaguru n’abana ndetse abasangiza urugendo rwe mu mupira w’amaguru n’icyamufashije kuvamo umukinnyi ukomeye wanabashije gufasha Ubufaransa kwegukana Igikombe cy’isi 1998.

Youri Djorkaeff yari mu Rwanda guhera ku wa Gatandatu, mu ruzinduko rwagizwemo uruhare n’amasezerano y’ubufatanye u Rwanda rwagiranye na Paris Saint-Germain yo kwamamaza Visit Rwanda.

Muri iki kiganiro,hahishuwe ko mu mwaka utaha mu karere ka Huye hazatangira ishuli ryigisha umupira w’amaguru rya PSG, rizafasha abana b’abanyarwanda kuzamura impano zabo.



Youri Djorkaeff yagiriye ibihe byiza mu Rwanda

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abakinnyi ba Juventus n’umutoza Maurizio Sarri bemeye kumara amezi 4...

Abakinnyi b’ikipe ya Juventus n’umutoza wabo Maurizio Sarri bemeye ko...
29 March 2020 Yasuwe: 507 0

Cristiano Ronaldo yakoze benshi ku mutima kubera icyemezo yafashe kugira...

Rutahizamu wa Juventus,Cristiano Ronaldo yakoze benshi ku mutima kubera...
28 March 2020 Yasuwe: 8442 0

Cesc Fabregas yatangaje ikintu kibi yakoreye umutoza Wenger yicuza...

Umukinnyi Cesc Fabregas ukinira ikipe ya AS Monaco ariko wanyuze mu makipe...
28 March 2020 Yasuwe: 4287 0

Umukinnyi Niyigaba Ibrahim wakiniye Police FC yitabye Imana azize...

Umukinnyi Niyigaba Ibrahim bitaga Lukaku wakinaga asatira mu makipe nka...
28 March 2020 Yasuwe: 3864 0

Samuel Eto’o yatangaje amagambo yabwiwe na Mourinho bakimara gutwara...

Uwahoze ari umukinnyi ukomeye mu makipe nka FC Barceloana,Inter Milan na...
27 March 2020 Yasuwe: 4395 0

Umugabo n’umugore bakoze ubukwe bw’iminota 30 bwarangiye ntawe ukoze ku wundi...

Umugeni witwa Irra Chorina Octora w’imyaka 29 n’umugabo we witwaYavuz Ozdemir...
26 March 2020 Yasuwe: 5600 0