Kigali

Umukinnyi wa Liverpool yicujije ubugome yakoreye Lionel Messi

Imyidagaduro   Yanditswe na: Dusingizimana Remy 25 February 2020 Yasuwe: 3920

Myugariro wa Liverpool, Andy Robertson,yatangaje ko yicuza cyane kubera igikorwa kigayitse cyo gupfura imisatsi rutahizamu Lionel Messi wa FC Barcelona ubwo yari aguye hasi mu mukino wa ½ cya UEFA Champions League banyagiyemo iyi kipe yo muri Espagne ibitego 4-0.



Andy Robertson yagaragaye ari gusunika umutwe wa Lionel Messi ndetse amukurura imisatsi ubwo yari aguye hasi ari gusaba coup franc.

Nubwo bamwe mu bafana ba Liverpool bashimiye uyu myugariro kuba yaratumye Messi agira uburakari bikamukura mu mukino, Andy Robertson yavuze ko ababazwa cyane n’iki gikorwa kigayitse yakoreye uyu mukinnyi wa mbere ku isi.

Yagize ati “Iyo nsubije amaso inyuma ku bintu byabaye ntabwo njya nicuza kubera ko numva ko ibintu waciyemo aribyo biba bigize uwo uri we.



Ariko iyo nsubije amaso inyuma kuri biriya nakoreye Messi ndicuza.Sinkunda kubireba.Iyo mbibonye ndababara.Uriya munsi twari twafashe umwanzuro ko nta kigomba kutubuza kugera ku mukino wa nyuma ndetse tubyereka n’abafana bacu.

Njye na Fabinho twari twapanze kumuhagarika [Messi],habaho guhurira ku mupira twese twikubita hasi.Messi ndamwubaha we na FC Barcelona ariko twagiye muri uriya mukino ari 3-0 dushaka gukora ibitangaza,twashakaga gukora ibidasanzwe ariyo mpamvu akantu gato nka kariya kahagaritse umukinnyi wa mbere ku isi.Ndicuza.Ntabwo kuriya ariko nteye.Ririya joro habaye ibintu byinshi umuntu atakwibuka.”

Andy Robertson na bagenzi be byarangiye batsinze FC Barcelona ibitego 4-0 banatwara igikombe cya Champions League giheruka.





Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Cesc Fabregas yatangaje ikintu kibi yakoreye umutoza Wenger yicuza...

Umukinnyi Cesc Fabregas ukinira ikipe ya AS Monaco ariko wanyuze mu makipe...
28 March 2020 Yasuwe: 3053 0

Umukinnyi Niyigaba Ibrahim wakiniye Police FC yitabye Imana azize...

Umukinnyi Niyigaba Ibrahim bitaga Lukaku wakinaga asatira mu makipe nka...
28 March 2020 Yasuwe: 3072 0

Samuel Eto’o yatangaje amagambo yabwiwe na Mourinho bakimara gutwara...

Uwahoze ari umukinnyi ukomeye mu makipe nka FC Barceloana,Inter Milan na...
27 March 2020 Yasuwe: 3908 0

Umugabo n’umugore bakoze ubukwe bw’iminota 30 bwarangiye ntawe ukoze ku wundi...

Umugeni witwa Irra Chorina Octora w’imyaka 29 n’umugabo we witwaYavuz Ozdemir...
26 March 2020 Yasuwe: 5376 0

EAC yiyemeje gushyiraho uburyo bworohereza ubucuruzi bwambukiranya...

Abaminisitiri b’ubuzima mu bihugu bigize Umuryango wa Afurika y’Iburasirazuba...
26 March 2020 Yasuwe: 1378 0

LeBron James wubatse izina muri NBA yavuze abakinnyi 3 akunda mu mupira...

Umunyamerika w’icyamamare mu mukino wa Basketball ndetse ufite imigabane mu...
26 March 2020 Yasuwe: 3740 0