Ismail Mrisho Khalfan wakiniraga ikipe ya Mbao FC y’abaterengeje imyaka 20, yapfuye nyuma yo gutsinda igitego ikipe ya Mwadui FC. Uyu mukino ukaba waberaga mu Ntara ya Bukoba.
Ishyirahamwe ry’umupira w’amaguru muri Tanzania, Tanzania Football Federation (TFF), riravuga ko ryababajwe mu buryo bukomeye n’urupfu rw’umukinnyi w’umupira w’amaguru waguye mu kibuga nyuma yo gutsinda igitego.
Uyu mukinnyi yapfuye ku munota wa 58 w’umukino. Yaguye hasi nyuma yo gukorerwa ikosa.
Ikipe ya Mbao ibarizwa mu (...)

Sponsored Ad

Ismail Mrisho Khalfan wakiniraga ikipe ya Mbao FC y’abaterengeje imyaka 20, yapfuye nyuma yo gutsinda igitego ikipe ya Mwadui FC. Uyu mukino ukaba waberaga mu Ntara ya Bukoba.

Ishyirahamwe ry’umupira w’amaguru muri Tanzania, Tanzania Football Federation (TFF), riravuga ko ryababajwe mu buryo bukomeye n’urupfu rw’umukinnyi w’umupira w’amaguru waguye mu kibuga nyuma yo gutsinda igitego.

Uyu mukinnyi yapfuye ku munota wa 58 w’umukino. Yaguye hasi nyuma yo gukorerwa ikosa.

Ikipe ya Mbao ibarizwa mu cyiciro cya mbere aho iri ku mwanya wa 12 n’amanota 16. Irushwa na Simba FC iri ku mwanya wa mbere amanota 19.

Videwo yashyizwe ahagaragara, yerekana Ismail Mrisho Khalfan ubwo yari amaze gutsinda igitego ku munota wa 27, yishima mu buryo butangaje kuko yagendaga akubita hasi agatuza.

Ikinyamakuru ghanasoccernet.com kiravuga ko ikosa yakorewe n’uyu mukinnyi, ritari rikomeye ku buryo ryamuvirama kwitaba gupfa, ko ahubwo yaba yahitanwe n’umutima yatewe no kugenda akubita agatuza hasi ubwo yishimiraga igitego yatsinze.

Jamal Malinzi uyobora ishyirahamwe ry’umupira w’amaguru muri Tanzania, yagize ati “Mbabajwe no kumenyesha urupfu rwa Mrisho, yaguye hasi mu kibuga mu kino w’abatarengeje imyaka 20.”

Uyu muyobozi avuga ko nubwo habayeho ubutabazi bw’ibanze, gusa byaje kurangira uyu mukinnyi aguye mu bitaro ubwo yagezwagayo.