Umuhanga wanditse amateka muri ruhago y’Isi Cristiano Ronaldo yashyizeho agahigo ko kuba umukinnyi ukiniye imikino myinshi ikipe y’igihugu ya Portugal ari naho avuka abihererwa igihembo.
Kuri uyu wa Kabiri, ikipe ya Portugal yatsinze igitego 1-0 ikipe ya Iceland mu gushaka itike y’igikombe cy’Uburayi cya 2024.
Uyu niwo mukino watumye kizigenza Cristiano Ronaldo agera ku gahigo ko kuzuza imikino 200 mu ikipe y’igihugu ndetse ahita anawutsindaho igitego.
Mbere yuko umukino utangira yahawe (...)

Sponsored Ad

Umuhanga wanditse amateka muri ruhago y’Isi Cristiano Ronaldo yashyizeho agahigo ko kuba umukinnyi ukiniye imikino myinshi ikipe y’igihugu ya Portugal ari naho avuka abihererwa igihembo.

Kuri uyu wa Kabiri, ikipe ya Portugal yatsinze igitego 1-0 ikipe ya Iceland mu gushaka itike y’igikombe cy’Uburayi cya 2024.

Uyu niwo mukino watumye kizigenza Cristiano Ronaldo agera ku gahigo ko kuzuza imikino 200 mu ikipe y’igihugu ndetse ahita anawutsindaho igitego.

Mbere yuko umukino utangira yahawe igihembo gitangwa na Guinness World Record bitewe n’aya mateka mashya yashyizeho. Iki gihembo cyari kigizwe na ’Certificate’ ndetse n’umupira w’ikipe y’igihugu ya Portugal wanditseho 200 inyuma mu mugongo.

Uyu mukinnyi w’imyaka 38 amaze imyaka 20 akinira Portugal. Umukino wa mbere yahamagawe mu ikipe y’igihugu wari uwa gishuti aho ikipe y’igihugu ya Portugal yari yakinnye na Kazakhstan muri 2003.

Kuva ku myaka 18 akinira Portugal amaze gukina ibikombe by’Isi 5 ndetse yanakinnye igikombe cy’Uburayi (Euro) inshuro 5, gusa muri ibyo byose icyo yegukanye ni Euro ya 2016 yaberaga mu Bufaransa.

Kuri ubu Cristiano Ronaldo niwe umaze gutsinda ibitego byinshi mu mateka y’ikipe y’igihugu ya Portugal, amaze gutsinda ibitego 123. Birasa nk’aho uyu mukinnyi umaze kwegukana Balloon d’Or 5 azanakomeza gukina indi mikino mu ikipe y’igihugu.

Muri iki cyumweru ubwo yaganiraga n’ikinyamakuru Goal yabivuzeho agira ati: "Nzaguma hano mu gihe perezida wa Federasiyo y’umupira wamaguru n’umutoza bizera ko nshoboye".

"Sinzigera ndeka kuza hano, kuko buri gihe ni inzozi. Guhagararira ikipe y’igihugu ni uburebure bw’umwuga. Ndashaka gukomeza gukina, gushimisha umuryango wanjye, inshuti n’Abanya-Portgal".

Cristiano Ronaldo washyizeho agahigo ko kuba umukinnyi ukiniye imikino myishi ikipe y’igihugu