Julen Lopetegui uherutse kugirwa umutoza wa Real Madrid yashimishije abafana b’iyi kipe ubwo yafataga umwanzuro wo kugira Gareth Bale umukinnyi ngenderwaho mu mwaka w’imikino utaha byatumye ahitamo kuguma muri iyi kipe.

Sponsored Ad

Mu minsi ishize byavugwaga ko Gareth Bale agiye kugaruka mu Bwongereza mu ikipe ya Manchester United nyuma yo kubura umwanya uhagije wo gukina mu ikipe ya Zidane y’umwaka ushize.

Nyuma y’aho Bale atsindiye ibitego 2 muri 3-1 batsinze Liverpool ku mukino wa nyuma wa UEFA Champions League w’umwaka ushize, yabwiye abanyamakuru ko agiye kuvugana n’umuhagarariye bakavugana na Real Madrid ku byerekeye umwanya ahabwa wo gukina, none birangiye yemerewe umwanya uhoraho na Lopetegui.

Icyemezo cyo kubakira kuri Bale kije nyuma y’aho Real Madrid iherutse kurekura Cristiano Ronaldo akerekeza muri Juventus ku kayabo ka miliyoni 99 z’amapawundi.


Lopetegui azagendera kuri Gareth Bale mu mwaka w’imikino utaha