skol
Kigali
startimes

UPDATE: Umutoza Guy Bukasa yerekeje muri Rayon Sports yakubye umushahara yahabwaga na Gasogi United

Imyidagaduro   Yanditswe na: Dusingizimana Remy 2 July 2020 Yasuwe: 2057

Uwari umutoza wa Gasogi United witwa Guy Bukasa,yamaze gusinyira ikipe ya Rayon Sports nyuma y’aho mu kiganiro yagiranye n’abanyamakuru ari kumwe na KNC yari yavuze ko yaganiriye n’abayobozi b’iyi kipe kuri telefoni ariko ataremera kuyitoza .


Umutoza Guy Bukasa watozaga ikipe ya Gasogi United,yamaze gusinyira Rayon Sports FC kuyitoza amasezerano y’umwaka umwe w’imikino 2020/2021 .

Bukasa wari umaze umwaka muri Gasogi United,yahisemo gutandukana nayo yerekeza mu ikipe ya Rayon Sports.

Andi makuru aravuga ko Bukasa Guy wahembwaga $1500 muri Gasogi United azajya ahembwa $4000 mu ikipe ya Rayon Sports.

Bukasa ngo yahisemo kujya mu ikipe ya Rayon Sports, nyuma y’uko byinshi yasabye babimwemereye ndetse byitezwe ko ari buzane na Manace Matatu ukina asatira bakoranaga muri Gasogi United.

Ubuyobozi bwa Rayon Sports bwageze ku mutima Bukasa nyuma y’aho bwemeye kumuha umushahara w’ibihumbi 4 by’amadolari (4000$) buri kwezi, ariko akaba yabanje guhembwa amezi abiri mbere yuko atangira akazi (8000$).

Amakuru aravuga ko ikipe ya Gasogi United igiye gusinyisha umutoza Roberto Oliviero Goncalves do Carmo uzwi nka Robertinho wahoze atoza ikipe ya Rayon Sports FC ngo asimbure Bukasa.

Nta gihindutse, Guy Bukasa arajyana n’umutoza wari umwungirije muri Gasogi United. Rayon Sports ikaba yamaze kumvikana na Manasse Matatu, igisigaye ni ukuganira n’ikipe yakiniraga.

Mu masaha 3 ashize,Umutoza Guy Bukasa wahoze atoza Gasogi United ari kumwe n’uwari umuyobozi we KNC,bari mu kiganiro n’abanyamakuru aho yavuze ko kugeza ubu ari gushaka akazi kuko nta kipe arasinyira gusa ngo ntabwo arahura n’abayobozi ba Rayon Sports ku buryo yayerekezamo.

Yagize ati “ Ntabwo ndi umubeshyi kandi KNC arabizi neza. Nibyo nari nasinye umwaka umwe w’imikino warangiye imburagihe kubera icyorezo cya Coronavirus cyibasiriye Isi. Ibibuha ni ibisanzwe, bashobora gutangaza Cristiano Ronaldo muri Gicumbi, bashobora gutangaza Mourinho muri Espoir FC, navuganye n’abantu barenga 10 mu bihugu bitandukanye haba mu Rwanda cyangwa ahandi.

Ibyo guhura n’abayobozi ba Rayon Sports ejo hashize, ntabwo ari byo. Ejo byaravugwaga, ariko uyu munsi nakiriye telefoni z’abantu bo muri iyo kipe, babinsaba ndabumva, ariko ntacyo twemeranyije.”

Bukasa yakomeje yemeza ko nta kipe arasinyira yaba mu Rwanda cyangwa mu mahanga ati “Nta hantu ndasinya amasezerano mu ikipe iyo ariyo yose. Rayon Sports yamvugishije ariko nta masezerano ndayisinyira, kimwe n’uko ntarongera amasezerano muri Gasogi United.”

Uyu mutoza ukomoka muri RDC yavuze ko ashobora kongera amasezerano muri Gasogi United kuko mu gitondo aribwo ubuyobozi bwayo bwamushyikirijwe ibizaba biyakubiyemo gusa ngo nta mwanzuro arafata.

Ku ruhande rwa KNC yavuze ko umutoza Bukasa ari mwiza ndetse bifuza kugumana nawe gusa ngo abonye indi kipe imuha ibirenzeibyo bari kumuha bamusezeraho bagashakira ahandi.

Ati “Twamubonye akuze kandi ntabwo azaguma muri Gasogi kugeza apfuye. Benshi baramushakaga, ahitamo twe. N’ubu amahitamo ni we uzayakora. Twakwishimira ko yabonye aho bamuha ibyo yifuza.”


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Frank Lampard yatangaje abakinnyi 3 yishimiye mu mukino yatsinzwemo na...

Umutoza wa Chelsea,Frank Lampard yatangaje ko nubwo yaraye atsinzwe na...
21 September 2020 Yasuwe: 2663 0

Sadio Mane yafashije Liverpool gushegesha Chelsea FC y’abakinnyi...

Ikipe ya Liverpool ikomereje aho yasoreje Shampiyona y’umwaka ushize yatwaye...
20 September 2020 Yasuwe: 1783 0

Kyle Walker yarakajwe no kumenya ko umukunzi we yamuciye inyuma kandi we...

Umukinnyi wa Manchester City,Kyle Walker,ari mu gahinda kenshi ko kuba...
20 September 2020 Yasuwe: 4580 0

Tottenham yagaruye kizigenza yirereye Gareth Bale

Ikipe ya Tottenham yamaze gutangaza ko yagaruye umunya Wales,Gareth Bale...
19 September 2020 Yasuwe: 1973 0

Umunya Slovenia Tadej Pogacar yateye intambwe ikomeye yo kwegukana Tour de...

Nubwo atahabwaga amahirwe kubera imbaraga z’ikipe itari ku rwego rwo hejuru...
19 September 2020 Yasuwe: 802 0

Thiago Alcantara yahishuye abakinnyi batumye afata umwanzuro wo kwerekeza...

Umukinnyi Thiago Alcantara wamaze kwerekeza mu ikipe ya Liverpool yatangaje...
19 September 2020 Yasuwe: 1826 0