Umutoza wa Kiyovu Sports,Joslin Bipfubusa, n’umwungiriza we Nzigamasabo Stève ntibari ku mukino iyi kipe yakinnye na Gorilla FC muri 1/8 cy’irangiza mu gikombe cy’Amahoro.

Sponsored Ad

Biravugwa ko aba bahagaritswe by’agateganyo kubera imyitwarire yabo.

Ibi bibaye nyuma y’aho Kiyovu Sports imaze amezi akabakaba idahemba abakinnyi n’abakozi bayo.

Amakuru yabyutse avugwa nuko uyu mutoza mukuru wa Kiyovu Sports ariwe wanze gutoza umukino wa Gorilla.

Inama yaraye ihuje ubuyobozi n’abakinnyi,umuyobozi wa Kiyovu Sports,General yanze kuyitabira.

Umukino ubanza, Kiyovu SC yatsinzwe ibitego 2-0.

Mu mukino wo kuri uyu wa Kabiri tariki ya 23 Mutarama,Kiyovu Sports yatsinze ibitego 3-1, inganya na Gorilla FC ibitego 3-3 mu mikino ibiri ya 1/8, byatumye isezererwa ku itegeko ry’igitego cyo hanze.

Kiyovu Sports yatsindiwe na Shariff Bayo watsinze bibiri na Muhozi Fred mu gihe Gorilla FC yatsindiwe na Nsengiyumva Mustafa.

Urucaca rwaguye muri 1/8 nyuma yo kugera muri 1/2 mu 2023.

Muri 1/4, Gorilla FC izahura n’ikipe izakomeza hagati ya Police FC na Kamonyi FC.