skol
Kigali
startimes

Wa musifuzi washinjwe irondaruhu ku mukino wa PSG na Istanbul Basaksehir yisobanuye

Imyidagaduro   Yanditswe na: Dusingizimana Remy 10 December 2020 Yasuwe: 5747

Umusifuzi wo mu gihugu cya Romania witwa Sebastian Coltescu uherutse gukora amahano ku mukino wa PSG na Istanbul Basaksehir akavuga amagambo yafashwe nk’irondaruhu bigatuma uyu mukino usubikwa yahakanye ko atagira ivangura.


Ku murogoba wo ku wa Kabiri tariki ya 08 Ukuboza 2020 umukino wa nyuma w’amatsinda ya Champions League wahuje PSG na Istanbul Basaksehir ku kibuga cya Parc des Princes wasubitswe ku munota wa 14 nyuma y’aho umusifuzi wa Kane ukomoka muri Romania,Sebastian Coltescu ashinjwe kubwira amagambo y’irondaruhu Pierre Achille Webo usanzwe ari umutoza wungirije Okan Buruk muri Basaksehir.

Intandaro ya byose ni ikarita itukura yahawe Webo, ariko umusifuzi wa kane ubwo yabwiraga umusifuzi wo hagati Ovidiu Hațegan ugomba kuyihabwa yakoresheje imvuga igira iti ‘ala negru’ bivuga ngo ‘umuhungu w’umwirabura’.

Uyu mutoza w’Umunya Cameroun yahise arakara ndetse atangira guterana na we amagambo mbere y’uko bagenzi be baza bamusanga.

Ibi byateje akavuyo kenshi,abakinnyi ku mpande zombi bava mu kibuga umukino usubikwa utyo gusa waje gusubukurwa mu ijoro ryakeye ubwo PSG yatsindaga iyi kipe ibitego 5-1.

Uyu musifuzi wahinduwe,yageze iwabo aganira n’ikinyamakuru Prosport akibwira ko nta rondaruhu agira.

Ati “Sinzigera nsoma ibinyamakuru mu minsi mike igiye gukurikiraho.umuntu wese unzi azi ko ntagira irondaruhu.Icyo nicyo nizeye.”

UEFA yijeje ko igiye gukora iperereza kuri uyu musifuzi Coltescu aho bivugwa ko ashobora guhagarikwa imikino 9.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ibyishimo Sugira Ernest yahaye Abanyarwanda byatumye umuhanzikazi amusaba...

Rutahizamu Sugira Ernest usanzwe azwiho gukora ibitangaza mu ikipe y’igihugu...
27 January 2021 Yasuwe: 3373 0

Intsinzi y’Amavubi yatumye AbanyaKigali bava muri Guma mu rugo birara mu...

Abanyarwanda batuye mu mujyi wa Kigali bataherukaga gushimishwa...
27 January 2021 Yasuwe: 6786 0

Amavubi yongeye gusubiza abanyarwanda mu bicu nyuma y’igihe kinini

Ikipe y’igihugu “Amavubi”yongeye gushimisha Abanyarwanda nyuma yo gukatisha...
26 January 2021 Yasuwe: 4544 0

Thomas Tuchel yagizwe umutoza mushya wa Chelsea FC

Ikipe ya Chelsea yamaze gutangaza ko Umudage Thomas Tuchel waherukaga...
26 January 2021 Yasuwe: 3241 0

Floyd Mayweather agiye gusura ababyeyi b’umukobwa Bakundana [AMAFOTO]

Uwahoze ari kizigenza mu mukino wo gutera amakofe, Floyd Mayweather,aritegura
26 January 2021 Yasuwe: 4813 0

Minisitiri Munyangaju yaganiriye n’abakinnyi b’Amavubi abagezaho ubutumwa bwa...

Uyu munsi Minisitiri wa Siporo Munyangaju Aurore Mimosa yaganiriye...
26 January 2021 Yasuwe: 3787 0