addresiya
Kigali
startimes

Xavi wamamaye muri FC Barcelona yatanze akayabo k’amadolari yo gufasha uyu mujyi guhangana na Coronavirus

Imyidagaduro   Yanditswe na: Dusingizimana Remy 4 April 2020 Yasuwe: 1886

Xavi Hernandez wamenyekanye cyane mu ikipe ya Barcelona n’umugore we Nuria Cunillera batanze inkunga ya miliyoni y’amadolari ku bitaro bivurirwamo abanduye virusi ya corona biri mu mujyi wa Barcelona mu gihugu cya Espagne.



Mu butumwa yacishije ku rubuga rwa twitter, Xavi yanditse ko iyo nkunga igamije gufasha ibikorwa byo guhangana na virusi ya corona.

Espagne iri ku mwanya wa kabiri mu bihugu bifite umubare munini w’abantu bamaze kwicwa na virusi ya corona.

Xavi yagize ati “Nidufatanya twese tuzahashya iyi virusi.”

Muri iyi minsi Xavi atoza .

Abakinyi nka Lionel Messi, umutoza Pep Guardiola, igihangange muri tennis Rafael Nadal na Paul Gasol ukina muri NBA nabo bamaze gutanga inkunga yo gufasha kurwanya virusi ya corona.

Xavi Hernandez utoza ikipe ya Al-Sadd mu gihugu cya Qatar, aherutse kwanga akazi ko gutoza FC Barcelona kubera ko ngo nta bunararibonye buhagije aragira mu butoza ariko ngo afite inzozi zo kuzatoza iyi kipe yabereye kapiteni igihe kinini.

Ati “Nibyo koko nakiriye ubusabe bwa FC Barcelona bwo kuba nayitoza mbuhawe na Eric Abidal na Oscar Grau gusa narabyanze Kuko haracyari kare kuri njye gutoza Barcelona.Gutoza FC Barcelona umunsi umwe biracyari inzozi zanjye.”

Nyuma yo kwanga aka kazi,Barca yahise iha amahirwe Quique Setien kugira ngo asimbure Ernesto Valverde wari wirukanwe.

Xavi Hernandez yakiniye ikipe ya FC Barcelona kuva mu mwaka wa 1998 kugeza 2015 aho mu mikino 505 yayitsindiye ibitego 58 ndetse ayifasha gutwara ibikombe bikomeye byose birimo La Liga nyinshi na UEFA Champions League.

Xavi n’umwe mu bakinnyi beza isi yagize mu kibuga hagati cyane ko yaje mu ikipe y’isi kenshi ndetse yigeze kugera mu bakinnyi 3 bahatanira Ballon d’Or.

Igihugu cya Espagne Xavi avukamo kiri muri 3 bya mbere ku isi bizahajwe na Coronavirus aho abarenga ibihumbi 119 barwaye mu gihe imaze guhitana ibihumbi birenga 11.

Imibare yo ku wa Gatandatu tariki ya 4 Mata 2020, igaragaza ko ejo hashize, ku wa Gatanu, ubwandu bushya bwabonetse mu gihe cy’amasaha 24 ari 101,578 mu gihe abapfuye muri ayo masaha ari 5,990.

Ibihugu birimo kuza imbere mu bwandu bwinshi:

1.Leta Zunze Ubumwe za Amerika: 277,161
2.U Butaliyani: 119,827
3.Espagne: 119,199
4.U Budage: 91,159
5.U Bufaransa: 82,165

Ibihugu bimaze gupfusha abaturage benshi bazize Coronavirus:

1.U Butaliyani: 14,681
2.Espagne: 11,198
3.Leta Zunze Ubumwe za Amerika: 7,392
4.U Bufaransa: 6,507
5.U Bushinwa: 3,605

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

FIFA yategetse Rayon Sports kwishyura Javier Martinez wahoze ayitoza...

Umutoza Javier Martinez Espinoza ukomoka muri Mexico biravugwa ko yareze...
30 May 2020 Yasuwe: 3625 0

RGB yemeje ko Munyakazi Sadate ariwe wemerewe guhagararira Rayon Sports mu...

Urwego rw’Imiyoborere mu Rwanda [RGB] rwatangaje ko umuyobozi wa Rayon...
30 May 2020 Yasuwe: 2074 2

Real Madrid yongeye gutorwa nk’ikipe ihenze kurusha izindi ku isi mu mupira...

Nkuko byatangajwe na raporo ya European Elite 2020,ikipe ya Real Madrid...
29 May 2020 Yasuwe: 1864 0

Rutanga yavuze impamvu nyamukuru yatumye ava muri Rayon Sports anayisengera...

Uwari kapiteni wa Rayon Sports,Rutanga Eric yahishuye ko impamvu yatumye...
29 May 2020 Yasuwe: 3328 4

RIB yatangiye iperereza ku bahoze bayobora Rayon Sports bashinjwa ruswa no...

Urwego rw’igihugu rw’Ubugenzacyaha,RIB,rwatangaje ko rwatumije bamwe mu...
29 May 2020 Yasuwe: 2464 1

Igihe ntakuka shampiyona y’Ubwongereza izasubukurirwa n’amakipe azabanza...

Kuwa Gatatu tariki ya 17 Kamena 2020 nibwo Premier League yari imaze igihe...
28 May 2020 Yasuwe: 2028 0