Radio Ijwi ry’Amerika yatangaje ko umuntu ukorera muri Minisiteri y’Umutekano mu Burundi yabahamirije ko nta gitaramo na kimwe umuhanzi Bruce Melodie ashobora gukorera mu Burundi.
Iki kinyamakuru gikomeza kivuga ko uyu muhanzi yahaswe ibibazo mu gihe kingana n’amasaha atatu ndetse ko abategetsi bavuze ko agifungishijwe ijisho ari nayo mpamvu ibitaramo bye bitabaye.
Ibitaramo bya Bruce Melodie n’ikiganiro n’abanyamakuru yagombaga gukorera i Burundi byahagaritswe nyuma y’uko uyu muhanzi atawe (...)

Sponsored Ad

Radio Ijwi ry’Amerika yatangaje ko umuntu ukorera muri Minisiteri y’Umutekano mu Burundi yabahamirije ko nta gitaramo na kimwe umuhanzi Bruce Melodie ashobora gukorera mu Burundi.

Iki kinyamakuru gikomeza kivuga ko uyu muhanzi yahaswe ibibazo mu gihe kingana n’amasaha atatu ndetse ko abategetsi bavuze ko agifungishijwe ijisho ari nayo mpamvu ibitaramo bye bitabaye.

Ibitaramo bya Bruce Melodie n’ikiganiro n’abanyamakuru yagombaga gukorera i Burundi byahagaritswe nyuma y’uko uyu muhanzi atawe muri yombi akekwaho icyaha cy’ubwambuzi bushukana.

Ibi bije nyuma y’aho uyu muhanzi atawe muri yombi akigera mu Burundi kuri uyu wa Gatatu tariki ya 31 Kanama 2022, akurikiranyweho icyaha cy’ubwambuzi bushukana.

Mu itangazo ryanyujijwe kuri Twitter na Minisiteri y’umutekano mu Burundi bagize bati “Bruce Melodie yatawe muri yombi akurikiranyweho ubwambuzi bushukana".

Minisiteri y’Umutekano mu Burundi yemeje ko Bruce Melodie yafungishijwe ijisho kubera iperereza ari gukorwaho, gusa ubu butumwa bwashyizwe kuri Twitter bwaje gusibwa nyuma.

Iri tangazo ryasohotse mu gihe uyu muhanzi yari amaze amasaha menshi mu maboko ya Polisi abazwa ku byaha by’ubwambuzi bushukana yaba yarakoreye sosiyete yari yamutumiye mu 2018 ntabashe kwitabira igitaramo yatumiwemo.

Ikinyamakuru Akeza cyo mu Burundi cyanditse ko Bruce Melodie yafungishijwe n’umukire witwa Toussaint ufite akabari kitwa Guerra Plaza mu Kamenge.

Uyu ngo hari amafaranga yari yamwishyuye mu mwaka ushize ubwo Bruce Melodie yari afiteyo igitaramo ariko kikaza gusubikwa.

Toussaint ushinja Bruce Melodie ubwambuzi asanzwe ari umwe mu bategura ibitaramo bakomeye mu gihugu cy’u Burundi.

Yavuze ko Bruce Melodie amufitiye amadorali 2000$ [Miliyoni 2 Frw] yamuhaye ubwo yari yamutumiye mu gitaramo.

Aranamwishyuza miliyoni 30 FBU [Arangana na 15, 161, 384.94 Frw] yahombye muri icyo gitaramo, ngo yayakoresheje mu mwiteguro y’igitaramo.

Yisobanura Bruce Melodie yagize ati “Management yanje yarahindutse! Ayo mafaranga avuga sinzi uko yayatanze, kugira ngo tworoshye ibintu, turashobora kumwishyura ayo madorali 2000, ariko izo miliyoni 30 ntazo twiteguye gutanga.”
Bruce Melodie yari ategerejwe na benshi mu Burundi nyuma y’imyaka myinshi atumirwa ariko ibitaramo bye bigasubikwa ku munota wa nyuma.

Bruce Melodie yari afite ibitaramo bibiri mu Burundi, kimwe cyo ku wa 2 Nzeri kuri Zion Beach, ikindi kikaba ku wa 3 Nzeri muri Mess des officiers.