Igitabo cyitwa The Woman in Me kivuga ku mibereho y’umuhanzi Britney Spears,kiri kugurwa cyane kuko mu cyumweru cyacyo cya mbere yagurishije kopi miliyoni 1,1 muri Amerika.

Sponsored Ad

Iki gitabo cyaciye agahigo mu kugurwa cyane nk’akakozwe n’igitabo cy’igikomangoma Harry, Mary Trump,Barack na Michelle Obama.

Igitabo cya Spears cyatangiye kugurwa cyane na mbere y’uko kigurishwa ku mugaragaro kuwa 24 Ukwakira aho ziriya kopi twavuze haruguru harimo ibyaguriwe mu buryo butandukanye nka audiobook nyasomwe n’umukinnyi wa filimi Michelle Williams, na Gallery Books yatangajwe kuri uyu wa gatatu.

Iki gitabo kivuga ku buzima bw’iki cyamamare by’umwihariko ku rukundo rwe na Justin Timberlake,uko yakuyemo inda ye,uburwayi bwe bwo mu mutwe,uko yabayeho se yarahawe uburenganzira bwo kumucungira umutungo,ibitaramo bye n’ibindi.

Igitabo cyacuruje cyane muri uyu mwaka n’icya Prince Harry cyitwa Spare, cyasohotse mu kwezi kwa mbere kigacuruza kopi miliyoni 1.6 mu cyumweru kimwe muri amerika ndetse cyaciye agahigo k’isi k’igitabo cyagurishijwe kopi nyinshi.

Ibindi byacurujwe cyane mu cyumweru kimwe gusa bisohotse n’icya Barack Obama cyitwa A Promised Land ( kopi miliyoni 1.7),icya Michelle Obama cyitwa Becoming (kopi miliyoni 1.4) n’icya mwishywa wa Donald Trump,Mary Trump cyitwa Too Much and Never Enough (kopi miliyoni1.35).

Hagati ya miliyoni 12.5 na miliyoni 15 z’amadolari niko kayabo amaze kwinjiza mu kugurisha iki gitabo mu gihe Forbes ya 2021 yavuze ko uyu mugore atunze asaga miliyoni 60 z’amadolari.