skol
Kigali
startimes

Kidum yaguye ku rubyiniro igitaramo yakoraga gihita gisubikwa

Imyidagaduro   Yanditswe na: Dusingizimana Remy 6 July 2020 Yasuwe: 6104

Ejo ku cyumweru nijoro, abarimo bakurikira igitaramo cye kuri internet (virtual concert) bamwe baracyibaza uko umuhanzi Kidum amerewe nyuma y’uko yituye hasi igitaramo kigahita gihagarara.


Jean-Pierre Nimbona uzwi cyane nka Kidum uba i Nairobi muri Kenya, ubu ari kuvurwa n’umuganga w’igororangingo (physiotherapist) nyuma yo kwitura hasi ari muri icyo gitaramo.

Yabwiye BBC ati: "Nafashwe na ’crampes’ kw’ijosi hafi y’igikanu, yamfashe inshuro eshatu ndiho ndaririmba, ubwa gatatu yahise inkubita hasi kuko yaje ifite ingufu nyinshi".

Ejo ku cyumweru Kidum yarimo akora igitaramo gica kuri internet kiri kuba afatanyije n’itsinda ’The Boda Boda Band’.

Ati: "Show yahise ihagarara kuko ntakuntu bari gukomeza. Nta kundi, izaba ikindi gihe nta kibazo".

Kidum avuga ko ubu ari koroherwa kandi ashobora kuva kwa muganga igihe icyo ari cyo cyose.

Kidum, uheruka gusohora iyitwa "Hayafai", ni umwe mu bahanzi bamaze igihe kinini kandi bakunzwe mu Burundi aho avuka, mu Rwanda no muri Kenya.

Muri nzeri umwaka ushize,Kidum,yanditse ubutumwa burebure ku rukuta rwe rwa Instagram avuga ko yahisemo guhagarika kuririmbira mu Rwanda no mu Burundi kubera abanzi be bakomeje kumufata nk’umunya politiki kandi atari we.

Kidum yagize ati “Natangiye kuririmba nkiri muto! Umuziki wari umuhamagaro wanjyee. Nta muntu nigeze niba, nica cyangwa se ngo mwange. Ubu mfite imyaka 44, bamwe mu bo tuva mu gihugu kimwe barankunda abandi baranyanga byo gupfa. Bisa nk’aho ntawigeze ashaka kunyumva.

Natangiye kuba muri Kenya guhera mu 1995,ndashimira abanya kenya kuba baremeye Kundera.Guhera uyu munsi nafashe umwanzuro wo kuba mfashe akaruhuko.Ntabwo nzongera kuririmbira mu gihugu cyanjye cy’amavuko no mu gihugu cy’u Rwanda bituranye kugeza igihe runaka.

Iyo ndi muri ibyo bihugu,abanzi banjye bariyongera kuko bakunze kunyibeshyaho bagira ngo ndi umunyapolitiki.Baba batekereza ko mfite imbaraga zo kugira ibyo nahindura ku bw’inyungu zabo.

Sinabasha gusobanura ukuntu ubuzima bwanjye bumbihira iyo ndi muri ibyo bihugu. Iyo batagerageje kundoga bashaka ubundi buryo banyica.Sindi umunyapolitiki nta n’ubwo nzigera mba we.

Abatavuga rumwe n’ubutegetsi,ntimwitwaze ibihe ndimo ngo mukine imikino y’umwanda.Mfashe uyu mwanzuro ngo nibura ndebe ko mwandeka njyenyine.Nzajya nsura igihugu cyanjye bucece ndetse no mu Rwanda ariko ntagiye kuririmba.Ndambiwe ibi byose.”

Ibi byabaye nyuma y’aho umujyi wa Kigali wanyomoje amakuru yavugaga ko wanze ko Kidum aririmbira mu Rwanda mu gitaramo cya Kigali Jazz Junction cyabaye kuwa 27 Nzeri 2019 aho Meya Pudence Rubingisa yavuze ko atigeze abisaba ngo bamuhakanire.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Donald Trump yababariye Lil Wayne n’abandi bantu 140 mbere yo kuva ku...

Perezida Donald Trump mu masaha ye ya nyuma ku butegetsi yahaye imbabazi...
20 January 2021 Yasuwe: 4080 0

Uwahoze azwi nka se wa Diamond Platnumz yatakambiye abanya Tanzania abasaba...

Muzehe Abdul Djuma waherukaga guca ibintu ubwo byatangazwaga ko atari we...
19 January 2021 Yasuwe: 5979 0

Ronaldinho yashyize hanze amashusho y’indirimbo ye ari kumwe n’ibizungerezi...

Uwahoze ari umukinnyi ukomeye mu ikipe ya FC Barcelona,PSG,AC Milan n’izindi...
15 January 2021 Yasuwe: 5401 0

Umuhanzi Emmy yambitse impeta umukunzi we mu birori bakoze bonyine...

Umuhanzi Emmy usanzwe akorera umuziki muri Leta Zunze Ubumwe za Amerika ari...
13 January 2021 Yasuwe: 5562 0

Umukobwa wa Eminem yongeye guca ibintu kubera ifoto yashyize hanze aha...

Umukobwa wa Eminem witwa Hailie Mathers yaciye ibintu kubera amafoto...
13 January 2021 Yasuwe: 6088 0

Uwicyeza Pamella yongeye gutera The Ben imitoma ku isabukuru...

Uwicyeza Pamella bivugwa ko ari mu rukundo rw’ibanga na The Ben yongeye...
10 January 2021 Yasuwe: 4909 0