Kigali

Ikibazo cy’abatuye Bannyahe ni ihurizo kuri Busingye, ava indi imwe na nyiri amazu basabwa kwimukiramo

Opinion   Yanditswe na: Ubwanditsi 27 April 2019 Yasuwe: 4908

Hamaze iminsi havugwa ikibazo cyo mu midugudu ya Kibariro ya I, Kangondo ya I n’iya II mu kagali ka Nyarutarama aho hari abaturage barahiye ko batazimukira mu mazu bubakiwe mu Busanza n’umushoramali Denis Karera nk’ingurane y’ubutaka bwabo ashaka kubakaho amazu agezweho.

Denis Karera yabwiye Newtimes ko yahisemo kubakira abaturage kuko atari byiza ko bahabwa amafaranga, ngo bayapfusha ubusa ahubwo bagahita bajya kurema utundi tujagali.

Amazu yubakiwe abazimurwa, baramutse bayagiyemo, hakaba harimo abazafata inzu y’icyumba kimwe, ufashe inini agafata ifite ibyumba bibili n’uruganiriro.

Umujyi wa Kigali n’Akarere ka Gasabo, ubu barafite ikibazo cyo kumvisha aba baturage ko bagomba kujya muri ariya mazu, hagiyeyo Minisitri w’Ubutegetsi bw’Igihugu, akiri Hon Kaboneka, hagiyeyo abasenateri bose birananirana ariko abaturage bo basaba ko itegeko ryakubahirizwa.

Ubusanzwe iyo ubwumvikane bunaniranye, hakurikizwa itegeko. Gukurikiza itegeko nabyo bisa n’ibigoye kuko bisaba ko abaturage bahabwa ingurane y;’amafaranga barimo basaba.

Amafaranga nayo akaba agoye kuko umushoramali yamaze kubaka, Umujyi wa Kigali n’Akarere ka Gasabo bakaba bari abaturage bari kwanga kuyajyamo, kandi itegeko hari icyo ribemerera.

Itegeko riha Ubuyobozi ububasha bwo kwemeza ko igikorwa iki n’iki ari inyungu rusange ariko nanone rigaha uburenganzira abimurwa bwo guhabwa ingurane kandi yumvikanweho.

Minisiteri y’Ubutabera niyo mujyanama w’inzego za Leta n’ibigo biyishamikiyeho. Gusa nanone, Minisitiri w’Ubutabera, Jonson Busingye ni murumuna wa Denis Karera, Umushoramali wubatse ariya mazu.

Uburanira abatuye Bannyahe yari yareze atanyuze mu nzira zose z’ubuyobozi zisabwa mbere yo kugana inkiko asabwa gusubirayo. Ese kumvikana nibinanirana hagakenerwa inama ya Minijust, Minisitiri Busingje azabasha kurararama ashingire ku itegeko arenganure buri ruhande? Ni ihurizo kuri we!

Foto: Taliki 31/3/2018 Ubwo uwari umuyobozi w’Umujyi wa Kigali, Pascal Nyamulinda, Minisitiri wa Leta muri Minisiteri y’Ububanyi n’Amahanga, Olivier Nduhungirehe n’Umushoramali Denis Karera bari gushyira ibuye ry’ifatizo ahubatse amazu abatuye "Bannyahe" bagomba kwimukiramo/Newtimes

Umva muri iyi Video byinshi kuri iki kibazo

Author : Ubwanditsi

Ibitecyerezo

  • Log in

    Amategeko n'amabwiriza birkurikizwa


  • chat_bubble Gahozo

    Mujye mukomeza kudusesengulira ibibazo nkibi kuko bireze mu Rwanda aho inyungu z’umuntu iyo zigonganye n’inyugu z’abaturage abaturage babbigenderamo buri gihe.

    3 months ago
  • chat_bubble Jane

    Nk’umuntu warahiriye ko atazakoresha ububasha yahawe mu nyungu ze bwite. Narenganure abaturage nkaho nabogamira kuri mwenewabo kd ahagaririye Justice haribindi azaba yerekanye. Ubundi se ko itegeko rivuga ko ukora igikorwa wamaze kumvikana nabimurwa kuki atabikoze

    3 months ago
  • chat_bubble Subiza

    Harya mu mategeko yu Rwanda nta conflit d’intérêt ibamo?

    3 months ago
  • chat_bubble Semusambi

    Murakoze banyamakuru kudushyiriraho iyi nkuru twibazaga impamvu ibi ntamuntu numwe ubivuga. Kandi nomu zindi gahunda za leta usangamo icyo kintu. Turasaba kuvangura imitungo ya leta n’imitungo y’abantu ku giti cyabo. Ndabashimiye cyane.

    3 months ago

Inzindi nkuru

Uko mbibona: Uganda yiteguye intambara, u Rwanda narwo ruriteguye, ese iyi...

Mu myaka ya za 90 habayemo byinshi byerekana ko harri umubano mwiza hagati...
17 April 2019 Yasuwe: 16707 11

Icyo Kwibuka Jenoside yakorewe Abatutsi bimariye Abanyarwanda

Kwibuka Jenoside yakorewe Abatutsi ni igikorwangarukamwaka gifasha...
7 April 2019 Yasuwe: 550 1

Itandukaniro riri hagati ya Jenoside n’intambara ndetse n’ubwicanyi...

Mu gihe u Rwanda rwatangiye icyumweru cyo kwbuka Jenoside yakorewe Abatutsi...
7 April 2019 Yasuwe: 1662 1

Icyo Jenoside aricyo ndetse n’intambwe nyamukuru zituma ibaho

Jenoside ni ubwicanyi ndengakamere butegurwa bugakorerwa itsinda...
7 April 2019 Yasuwe: 377 0

Aya ni amwe mu magambo yuje ubwenge yerekeranye n’ubuzima yasigaye ari...

Isi ituwe n’abantu banyuranye ndetse bagiye bafite impano zinyuranye. Muri...
12 February 2019 Yasuwe: 4550 2

Ibi nibyo bihugu 8 byo muri Afurika bifite igisirikare gikomeye kurusha...

Igisirirare gikomeye ni kimwe mu bituma igihugu kitwa igihangange....
8 January 2019 Yasuwe: 8440 1