Kigali

Umugore w’ umwirabura yahaye isomo Abanyaburayi

Opinion   Yanditswe na: Nsanzimana Ernest 4 January 2018 Yasuwe: 3200

Uko umugore abana n’ umugabo we n’ uburyo amugaragariza urukundo bigenda bitandukana bitewe n’ umuco w’ agace aka n’ aka. ‘Uko umugore w’ Umunyafurika yita ku mugabo we bitandukanye n’ uko Iburayi bikorwa’ Aya ni amagambo ya Grace, umugore w’umwirabura ukiri muto.

Grace yabitangaje ubwo yari mu kiganiro ‘It my choise’ gitambuka kuri televiziyo TF1 yo mu Bufaransa.

Grace yagize ati "Iyo umugabo wanjye avuye ku kazi, mukuramo ikote, nkamuha ikaze, nkamukandakanda ibirenge, nkamucira inzara. Mu gitondo ndazinduka nkitunganya nkategurira umugabo wanjye ifunguro rya mugitondo nkajyana abana ku ishuri”

Nubwo Abanyaburayi bemezaga ko Grace abikora kubera ubukoroni no kutamenya uburenganzira bwe, Grace yashimangiye ko ibyo akora abiterwa n’ urukundo. Yababwiye ko niyo yaba ananiwe yigora agashaka uko aruhuka akaza kurangiza inshingano ze zo kwita ku mugabo.

Uburyo Grace yavuze ko akoresha mu kwita ku mugabo we ni bubi cyane mu maso y’ abanyaburayi. Mu Burayi uko byasa kose umugabo agomba kwita ku mirimo yose yo mu rugo. Umugore yoza ibyombo n’ umugabo bikaba uko kandi bikaba ari nk’ itegeko.

Nk’ yko UMURYANGO ubikesha Afrikmag Grace ibi ntabwo abikozwa kuko avuga ko umugabo inshingano ze ari ugukora akazana amafaranga mu rugo, akangura impano, agategura aho gusohokera n’ ibindi.. .

Grace yakomeje ashimangira ko inshingano z’ ibanze umugore ari ukwita ku bana no kwita ku rugo muri rusange.

Ese ibi Grace yavuze ni ko bikimeze mu Rwanda?

Ku ruhande rw’ u Rwanda siko bimeze kuko u Rwanda ni igihugu gishyize imbere ihame ry’ uburinganire, kandi uburinganire bisobanuye ko umugore n’ umugabo we bahabwa amahirwe angana. Itegeko ry’ umuryango mu Rwanda rivuga ko umugabo atari we wenyine ufite inshingano yo guhahira urugo, bivuze ko umugabo afite uburenganzira bwo kujyana mu nkiko umugore we amurega ko atamuhahiye.

Iyo ugiye gusezerana imbere y’ amategeko ubwirwa ko kuba uwo mwashakanye yanze kuguhahira ari impamvu ishobora gutuma waka gatanya, ntabwo bakubwira ko kuba umugabo wawe yanze kuguhahira ari impamvu yo kwaka gatanya.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Jado

    Iyo ibintu bijya gucika abantu bitiranya ibintu. Mu butegetsi bwa leta uburinganire ni ngombwa abantu bagomba guhabwa amahirwe angana, bakaringanira muri byose: mu kazi, mu buyobozi, ... Ariko mu muryango nta buringanire bukenewe uretse ko butanashoboka. Imana irema umugabo n’umugore, yabahaye imiterere yuzuzanya si iyo kuringanira. None se nuvuga kuringanira mu rugo uzahindura n’imiterere karemano igitsina, gutwita, ubwanwa, imbaraga, imisemburo, amabere, amarangamutima... Iyo buri wese yujuje inshingano ze neza mu rugo, ntawe ukenera uburinganire. Turinganire mu butegetsi ariko twuzuzanye mu ngo.

    3 months ago

Inzindi nkuru

Umupfumu yatumiwe n’abaturage ngo abafashe kumenya uwishe mugenzi wabo maze...

Umupfumu yatumiwe n’abaturage ngo abafashe kumenya uwishe mugenzi wabo maze...
20 April 2018 Yasuwe: 5830 0

Nyuma yo gufungurwa,Diamond yasabye imbabazi ku mashusho ye y’urukozasoni...

Nyuma yo gufungurwa,Diamond yasabye imbaza avuga ko atazongera gushyira...
20 April 2018 Yasuwe: 1505 0

Umunyabugeni akomeje gutangaza imbaga y’abantu nyuma yo kubona ibyo yakoreye...

ayohrkarz, akomeje gutuma abantu bavuga byinshi bitandukanye hirya no hino...
20 April 2018 Yasuwe: 4104 0

The Ben ushinjwa kwitukuza yashatse umuganga umufasha kongera...

The Ben umaze iminsi ashyirwa mu majwi ko yakoresheje amavuta adasanzwe mu...
17 April 2018 Yasuwe: 2701 0

Rihanna yagaragaye mu ruhame yambaye imyenda igaragaza imyanya ye y’Ibanga...

Umuhanzikazi Rihanna yagaragaye mu ruhame yambaye imyenda igaragaza cyane...
16 April 2018 Yasuwe: 4272 2

Dore urutonde rwa Jenoside z’abayeho mu mateka y’isi,icyo zigiye zihuriraho...

Ijambo Jenoside (Genocide)ryakoreshejwe bwa mbere n’umwanditsi Raphael...
9 April 2018 Yasuwe: 2705 1